ເພື່ອສະເຫຼີມສະຫຼອງວັນຄົບຮອບ 65 ພັນສາຂອງມະຫາວະຊິຣະລົງກອນ ເຈົ້າຊີວິດອົງທີ 10 ຂອງປະເທດໄທ ໃນວັນທີ 26 ກໍລະກົດນີ້, ປະຊາຊົນໄທຫຼາຍຮ້ອຍຄົນ ໄດ້ເດີນທາງໄປປ່ອຍເຕົ່າທະເລ 1.066 ໂຕລົງສູ່ທະເລ. ຂະນະທີ່ຢູ່ຫົວຖະໜົນສາຍຕ່າງໆ, ສະຖານີລົດໄຟ ແລະບ່ອນອື່ນໆ ຂອງນະຄອນຫຼວງບາງກອກ ກໍໄດ້ແຂວນຮູບພາບເຈົ້າຊີວິດຂະໜາດໃຫຍ່ ແລະ ລັດຖະບານກໍໄດ້ປະກາດວາລະການກຸສົນເພື່ອສະຫຼອງວັນພະຣາຊະສົມພົບຂອງເຈົ້າຊີວິດ.
ວັນທີ 28 ກໍລະກົດນີ້ ແມ່ນວັນຄົບຮອບ 65 ພັນສາຂອງເຈົ້າຊີວິດວະຊິຣະລົງກອນ ປະເທດໄທ ແລະກໍແມ່ນວັນພະຣາຊະສົມພົບຄັ້ງທຳອິດຂອງພະອົງ ຫຼັງຂຶ້ນຄອງລາຊະບັນລັງເມື່ອວັນທີ 1 ທັນວາປີຜ່ານມາ. ລັດຖະບານໄທ ກໍໄດ້ກຳນົດການຈັດພິທີການກຸສົນລວມທັງກຳນົດເຄື່ອງນຸ່ງເພື່ອສະຫຼອງວັນດັ່ງກ່າວ.