ວັນທີ 29 ກໍລະກົດນີ້, ສະຫະພັນການສຶກສາແລະທ່ອງທ່ຽວຈີນ-ອາຊຽນໄດ້ສ້າງຕັ້ງຂຶ້ນໃນໂອກາດສັບປະດາແລກປ່ຽນການສຶກສາຈີນ-ອາຊຽນຄັ້ງທີ 10 ທີ່ຈັດຂຶ້ນຢູ່ເມືອງກຸ້ຍຢາງແຂວງກຸ້ຍໂຈ່ວ ສປ ຈີນ.
ສະຫະພັນການສຶກສາແລະທ່ອງທ່ຽວຈີນ-ອາຊຽນເປັນການລິເລີ່ມຮ່ວມສ້າງຂຶ້ນໂດຍສູນຈີນ-ອາຊຽນ,ວິທະຍາໄລທ່ອງທ່ຽວກຸ້ຍລິນຮ່ວມກັບສະຖາບັນການສຶກສາຊັ້ນສູງແລະບໍລິສັດທ່ອງທ່ຽວ 18 ແຫ່ງຈາກຈີນແລະອາຊຽນ ແລະເປັນອົງການຈັດຕັ້ງທີ່ບໍ່ຂຶ້ນກັບລັດຖະບານໂດຍມີຈຸດຢືນຄືປະກອບສ່ວນເຂົ້າໃນການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ທັງປະສານສົມທົບກັບປີຮ່ວມມືດ້ານການທ່ອງທ່ຽວຈີນ-ອາຊຽນ 2017ເພື່ອຮ່ວມກັນສ້າງປະຊາຄົມການສຶກສາແລະທ່ອງທ່ຽວຈີນ-ອາຊຽນ.ຂະນະດຽວກັນກໍເນັ້ນການເພີ່ມທະວີການຮ່ວມມືລະຫວ່າງສະຖາບັນການສຶກສາຊັ້ນສູງດ້ານການທ່ອງທ່ຽວຂອງຈີນແລະອາຊຽນເພື່ອຍົກສູງຄຸນນະພາບການກໍ່ສ້າງຊັບພະຍາກອນມະນຸດ, ຮັບໃຊ້ການກໍ່ສ້າງເສດຖະກິດແລະການພັດທະນາສັງຄົມໃນພາກພື້ນເພື່ອປະກອບສ່ວນເຂົ້າໃນການຮ່ວມມືດ້ານການທ່ອງທ່ຽວ,ການພັດທະນາອຸດສາຫະກຳແລະຄວາມກ້າວໜ້າທາງສັງຄົມລະຫວ່າງສອງຝ່າຍ.
 |
