ຊຸດອົບຮົມກະກຽມໂຄງການວັດທະນະທຳອາຊີວະສຶກສາ SEAMEO-ຈີນທີ່ອຸປະຖຳໂດຍອົງການລັດຖະມົນຕີການສຶກສາອາຊີຕາເວັນອອກສຽງໃຕ້, ສູນຈີນ-ອາຊຽນ ແລະຈັດໂດຍສະຖາບັນເຕັກນິກອາຊີບການກໍ່ສ້າງແຂວງກຸ້ຍໂຈ່ວ ໄດ້ຈັດຂຶ້ນຢູ່ເຂດໃໝ່ກຸ້ຍອ່ານ ໂດຍນັກວິຊາການການສຶກສາຈີນແລະບັນດາປະເທດອາຊຽນ ໄດ້ແລກປ່ຽນບົດຮຽນກ້າວໄປສູ່ການຮ່ວມມືດ້ານອາຊີວະສຶກສາລະຫວ່າງສອງຝ່າຍ.
ໃນເວທີປຶກສາຫາລື, ກອງເລຂາອົງການລັດຖະມົນຕີການສຶກສາອາຊີຕາເວັນອອກສຽງໃຕ້ ແລະພະແນກສຶກສາທິການແຂວງກຸ້ຍໂຈ່ວ ໄດ້ເຊັນເອກະສານວ່າດ້ວຍຄວາມປາຖະໜາໃນການຮ່ວມມື ໂດຍສະເໜີວ່າ, ບົນຫຼັກການທີ່ຕ່າງຝ່າຍຕ່າງມີຜົນປະໂຫຍດ ແລະຕ່າງຖອດຖອນບົດຮຽນຂອງກັນແລະກັນ, ສອງຝ່າຍຈະຊຸກຍູ້ການແລກປ່ຽນຂໍ້ມູນຂ່າວສານດ້ານສະຖາບັນການສຶກສາແລະນະໂຍບາຍການສຶກສາ, ຊອກຫາຄວາມສາມາດເປັນໄປໄດ້ໃນການຮ່ວມມືຈັດກອງປະຊຸມ, ງານວາງສະແດງ ແລະກອງປະຊຸມສຳມະນາດ້ານການສຶກສາທີ່ສອດຄ່ອງກັບຜົນປະໂຫຍດຮ່ວມຂອງສອງຝ່າຍ.
 |
