ຄ້າຍຝຶກອົບຮົມການປະດິດສ້າງໃໝ່ແລະການປະກອບທຸລະກິດຂອງຊາວໜຸ່ມແມ່ນ້ຳລ້າງຊ້າງ-ແມ່ນ້ຳຂອງຄັ້ງທຳອິດ ໄດ້ປິດຢູ່ມະຫາວິທະຍາໄລຊິ່ງໄຫ ສປ ຈີນໃນວັນທີ 30 ກໍລະກົດນີ້ພາຍຫຼັງດຳເນີນມາໜຶ່ງອາທິດແລ້ວ ໂດຍຜູ້ຕາງໜ້ານັກສຶກສາໜຸ່ມ 35 ຄົນຈາກມະຫາວິທະຍາໄລ 8 ແຫ່ງຂອງຈີນ, ລາວ, ມຽນມາ, ໄທ, ກຳປູເຈຍ ແລະຫວຽດນາມ ໄດ້ຮຽນຮູ້ການປະດິດສ້າງໂຄງການເອກະລັກສະເພາະແລະການຝຶກອົບຮົມການປະກອບທຸລະກິດຈາກຄະນະຄູອາຈານສາກົນ.
ໃນໄລຍະດັ່ງກ່າວ, ຄະນະຄູອາຈານໄດ້ມາສະເໜີການປະກອບທຸລະກິດ, ການເປີດຫ້ອງຮຽນການປະດິດສ້າງໃໝ່ແລະການປະກອບທຸລະກິດ, ເປີດຫ້ອງກາເຟແມ່ນ້ຳລ້ານຊ້າງ-ແມ່ນ້ຳຂອງ ແລະຮູບການອື່ນໆ ເພື່ອແລກປ່ຽນກັບຊາວໜຸ່ມຢ່າງເລິກເຊິ່ງ ທັງສິດສອນຮວມໝູ່ ແລະຫາຂໍ້ສະຫຼຸບຕື່ມອີກເພື່ອພະຍາຍາມເຮັດໃຫ້ໂຄງການປະດິດສ້າງໃໝ່ໃຫ້ກາຍເປັນໂຄງການປະກອບທຸລະກິດ. ຂະນະດຽວກັນ ກໍໄດ້ປະເມີນຄວາມຄືບໜ້າແລະອະນາຄົດຂອງແຕ່ລະໂຄງການໂດຍລວມ, ທັງຊີ້ນຳທິດທາງແລະຈຸດສຳຄັນຂອງໄລຍະສອງ ແລະສະເໜີຄວາມສ່ຽງແລະການລົງທຶນ. ນອກນີ້, ຜູ້ຕາງໜ້າປະເທດຕ່າງໆ ໄດ້ແບ່ງປັນການອອກແບບແຜນແກ້ໄຂບັນຫາລຸ່ມແມ່ນ້ຳຂອງຕົນຕື່ມອີກ.