ເຮືອບິນຖ້ຽວບິນSJ3122ຂອງບໍລິສັດການບິນສຣີວີຈາຢາອິນໂດເນເຊຍທີ່ບິນຈາກນະຄອນຫຼວງຈາກາຕາປະເທດດັ່ງກ່າວໄດ້ ເຖິງສະໜາມບິນສາກົນເມີຍລານເມືອງໄຫໂຂວແຂວງໄຫຫຼຳ ສປ ຈີນແລ້ວໃນຄືນວັນທີ 30 ກໍລະກົດນີ້ ເຊິ່ງເປັນຂີດໝາຍສະແດງໃຫ້ເຫັນເຖິງການເປີດເສັ້ນທາງການບິນຈາກໄຫໂຂວຫາຈາກາຕາຢ່າງເປັນທາງການແລະຕາມແຜນການຈະບິນຖ້ຽວໜຶ່ງໃນທຸກໆວັນອາທິດ.
ນະຄອນຫຼວງຈາກາຕາຕັ້ງຢູ່ແຄມຝັ່ງທະເລຕາເວັນຕົກສຽງເໜືອຂອງເກາະຊາວາ,ເປັນເມືອງໃຫຍ່ອັນດັບໜຶ່ງຂອງອາຊີຕາເວັນອອກສຽງໃຕ້ ແລະໄດ້ຮັບນາມມະຍົດເປັນ "ເມືອງແຫ່ງໝາກພ້າວ"ຄືກັນກັບເມືອງໄຫໂຂວ. ຈາກາຕາມີບູຮານສະຖານທີ່ມີຊື່ສຽງຫຼາຍແຫ່ງເປັນຕົ້ນ ສວນສາທາລະນະສະໜາມຫຼວງເອກະລາດ,ສຸເຫຼົ່າອິສຕີລານ ແລະອື່ນໆ. ການເປີດຖ້ຽວບິນໂດຍກົງລະຫວ່າງເມືອງໄຫໂຂວຫາຈາກາຕາຈະເຊື່ອມຕໍ່ສອງ "ເມືອງແຫ່ງໝາກພ້າວ" ກາຍເປັນຂົວທາງອາກາດທີ່ສຳຄັນເພື່ອການພົວພັນດ້ານການເມືອງ,ເສດຖະກິດ,ວັດທະນະທຳລະຫວ່າງສອງຝ່າຍ.