ທ່ານ ໄຮເດີ ອານ ອາບັດ ນາຍົກລັດຖະມົນຕີອີຣັກກ່າວວ່າ: ປະເທດຕົນໄດ້ຍື່ນຮ່າງມະຕິຕົກລົງກ່ຽວກັບບັນຫາການຕ້ານການກໍ່ການຮ້າຍສະບັບໜຶ່ງໃຫ້ສະພາຄວາມໝັ້ນຄົງສະຫະປະຊາຊາດ ໂດຍຮຽກຮ້ອງໃຫ້ປະຊາຄົມໂລກບໍ່ຄວນຫຼຸດຜ່ອນການປາບປາມລັດທິກໍ່ການຮ້າຍ ໂດຍໃຫ້ສືບຕໍ່ປາບປາມອົງການກໍ່ການຮ້າຍທີ່ກຸ່ມ IS ເປັນຕົວແທນ ພ້ອມທັງລົງໂທດຜູ້ທີ່ສົມຮູ້ຮ່ວມຄິດກັບຜູ້ກໍ່ການຮ້າຍຕາມກົດໝາຍ. ທ່ານ ອາບັດ ກ່າວວ່າ: ຕ້ອງຕັດຂາດຊ່ອງທາງການລະດົມຄົນແລະທຶນຂອງກຸ່ມ IS.
ຜ່ານການເຄື່ອນໄຫວການທະຫານມາເປັນເວລາ 9 ເດືອນ, ລັດຖະບານອີຣັກໄດ້ປະກາດໄຊຊະນະຫຼັງປົດປ່ອຍເມືອງໂມຊຸນໄດ້ໃນວັນທີ 10 ກໍລະກົດຜ່ານມາ, ອຳນາດແກນນຳກຸ່ມ IS ຢູ່ເມືອງດັ່ງກ່າວກໍຖືກໂຄ່ນລົ້ມຢ່າງສິ້ນເຊີງ. ປັດຈຸບັນ, ກອງທັບລັດຖະບານອີຣັກພວມວາງແຜນຈະບຸກໂຈມຕີຕານອາຟາທີ່ເປັນຈຸດທີ່ໝັ້ນອີກຈຸດໜຶ່ງຂອງກຸ່ມ IS ຢູ່ພາກຕາເວັນຕົກຂອງເມືອງໂມຊູນ.