ສະພາປະຊາຊົນປາກິສະຖານປະກາດໃນວັນທີ 1 ສິງຫານີ້ວ່າ, ໃນການເລືອກຕັ້ງນາຍົກລັດຖະມົນຕີທີ່ຈັດຂຶ້ນໃນຕອນບ່າຍມື້ດຽວກັນ, ທ່ານຊາຮິດ ຮາຄັນ ອັບບາຊິ, ຜູ້ສະໝັກຮັບເລືອກຕັ້ງຂອງສະຫະພັນມຸສລິມປາກິສະຖານເຊິ່ງເປັນພັກກຳອຳນາດໄດ້ຮັບເລືອກຕັ້ງເປັນນາຍົກລັດຖະມົນຕີຄົນໃໝ່.
ວັນທີ 28 ກໍລະກົດຜ່ານມາ, ສານສູງສຸດປາກິສະຖານໄດ້ຕັດສິນຄະດີຂອງຕະກຸນຊາຣິຟກ່ຽວກັບການສໍ້ລາດບາງຫຼວງໂດຍຕັດສິນໃຫ້ທ່ານຊາຣິຟພົ້ນຕຳແໜ່ງນາຍົກລັດຖະມົນຕີ. ຫຼັງຈາກນັ້ນ, ສະຫະພັນມຸສລິມປາກິສະຖານກໍປະກາດໃນວັນທີ 29 ເດືອນດຽວກັນໂດຍ, ສະເໜີທ່ານເຊບັສ ຊາຣິຟເປັນນາຍົກລັດຖະມົນຕີຄົນໃໝ່, ທ່ານຊາຮິດ ຮາຄັນ ອັບບາຊິ ອະດີດລັດຖະມົນຕີກະຊວງນ້ຳມັນເຊື້ອໄຟແລະຊັບພະຍາກອນທຳມະຊາດເປັນນາຍົກລັດຖະມົນຕີຊົ່ວຄາວ.
 |
