wurenji170802
|
ກ່ອນໜ້ານີ້ບໍ່ດົນ, ປະເທດເບລາຣຸດໄດ້ຈັດການແຂ່ງຂັນຄວາມໄວຂອງເຮືອບິນບໍ່ມີຄົນຂັບຄັ້ງທຳອິດໄດ້ຈັດຂຶ້ນຢູ່ນະຄອນຫຼວງມິນສ໌ກ໌ປະເທດດັ່ງກ່າວໂດຍບັນດານັກແຂ່ງທຸກໄວໄດ້ບັນຊາເຮືອບິນບໍ່ມີຄົນຂັບທີ່ຕົນຜະລິດເອງແຂ່ງຂັນກັນຜ່ານອຸປະສັກ. ສຳລັບຜູ້ຊະນະເລີດຈະໄດ້ໂອກາດເຂົ້າຮ່ວມແຂ່ງຂັນຄວາມໄວຂອງເຮືອບິນບໍ່ມີຄົນຂັບທົ່ວໂລກໃນປີໜ້າ.
ຊຸມປີມໍ່ໆມານີ້, ການແຂ່ງຂັນຄວາມໄວຂອງເຮືອບິນບໍ່ມີຄົນຂັບກຳລັງກາຍເປັນກິລາທີ່ໄດ້ຮັບຄວາມນິຍົມຢ່າງກວ້າງຂວາງຈາກຜູ້ນິຍົມເຮືອບິນຈຳລອງຢ່າງວ່ອງໄວໂດຍຜູ້ເຂົ້າຮ່ວມຕ້ອງຜະລິດເຮືອບິນບໍ່ມີຄົນຂັບທີ່ຄວບຄຸມໂດຍວິທະຍຸນັ້ນດ້ວຍຕົນເອງ, ເວລາແຂ່ງຂັນກໍໃສ່ໝວກພິເສດທີ່ສາມາດຮັບສັນຍານພາບສົ່ງມາຈາກກ້ອງຖ່າຍທີ່ຕິດຕັ້ງຢູ່ເຮືອບິນນັ້ນເພື່ອຄວບຄຸມໃຫ້ເຮືອບິນບິນຜ່ານອຸປະສັກຕ່າງໆດ້ວຍຄວາມໄວສູງເຊິ່ງຜູ້ທີ່ບັນຊາເຮືອບິນໃຫ້ບິນໄວກວ່າໝູ່ທັງບິນຜ່ານອຸປະສັກໄດ້ນັ້ນຖືວ່າເປັນຜູ້ຊະນະ.