ຕາມຂ່າວCRI: ຄຽງຄູ່ກັບການພັດທະນາຢ່າງວ່ອງໄວຂອງເຕັກໂນໂລຊີຂໍ້ມູນຂ່າວສານຢ່າງວ່ອງໄວ, ການປິ່ນປົວທາງໄກໄດ້ເປັນການເພີ່ມຕື່ມທີ່ເປັນປະໂຫຍດຂອງວິທີການປິ່ນປົວດັ້ງເດີມ. ດ້ວຍບົດບາດສຳຄັນດັ່ງກ່າວເມື່ອທ້າຍປີ 2009, ໂຮງໝໍປະຊາຊົນແຂວງຈ່ຽງຊູ່ໄດ້ສ້າງຕັ້ງສູນປິ່ນປົວທາງໄກ,ແລະເນື່ອງຈາກໄດ້ຮັບຜົນປະໂຫຍດຈາກເຕັກໂນໂລຊີທີ່ກ້າວໜ້າ,ຜູ້ເປັນພະຍາດທີ່ມີອາການໜັກຢູ່ຕ່າງແຂວງແລະເມືອງພຽງແຕ່ໃຊ້ຈໍໂທລະພາບສອງຈໍກໍສາມາດແກ້ໄຂບັນຫາການປິ່ນປົວທີ່ຍາກແລະທາງໄກໄດ້ຢ່າງສະບາຍໂດຍບໍ່ຕ້ອງຫຍຸ້ງຍາກໃນການໄປຕ່າງແຂວງຕື່ມອີກແລ້ວ ແລະຜູ້ຊ່ຽວຊານການປິ່ນປົວໃນຂົງເຂດທີ່ກ່ຽວຂ້ອງກໍສາມາດກວດພະຍາດໄດ້ຢ່າງງ່າຍດາຍໂດຍບໍ່ຕ້ອງໄປກວດຜູ້ເປັນພະຍາດຕົວຈິງອີກ. ນອກຈາກໃຊ້ລະບົບການປິ່ນປົວທາງໄກທີ່ສາມາດເສີມຂະຫຍາຍບົດບາດຂອງຄວາມວ່ອງໄວແລະປະສິດທິພາບສູງແລ້ວ, ຍັງສາມາດສັບຊ້ອນພະນັກງານແລະອຸປະກອນສາທາລະນະສຸກໄດ້ຢ່າງມີປະສິດທິຜົນ ເພື່ອມອບໂອກາດອັນລ້ຳຄ່າໃຫ້ແກ່ຜູ້ເປັນພະຍາດໜັກຂະນະເກີດເຫດການຢ່າງກະທັນຫັນ.
