ວັນທີ 3 ສິງຫານີ້, ທ່ານອາຢາໂຕລາ ເຊເຢັດ ອາລີ ຮາເມເນອີ ຜູ້ນຳສູງສຸດອີຣານໄດ້ຮັບຮອງທ່ານຮາຊັນ ຣູຮານີ ເປັນປະທານາທິບໍດີອີຣານຫຼັງໄດ້ຮັບເລືອກຕັ້ງ ແລະທ່ານຈະສາບານຕົວຂຶ້ນຮັບຕຳແໜ່ງຢ່າງເປັນທາງການໃນວັນທີ 5 ເດືອນນີ້.
ລັດຖະທຳມະນູນອີຣານກຳນົດວ່າ ຜູ້ນຳສູງສຸດອີຣານຕ້ອງລົງນາມໃນໃບແຕ່ງຕັ້ງປະທານາທິບໍດີເພື່ອຮັບຮອງປະທານາທິບໍດີຄົນໃໝ່ຢ່າງເປັນທາງການຫຼັງປະກາດຜົນການເລືອກຕັ້ງແລະໃນພິທີຮັບຮອງທີ່ຈັດຂຶ້ນໃນວັນທີ 3 ສິງຫານີ້, ທ່ານຮາເມເນອີໄດ້ມອບໃບຕັ້ງແຕ່ງໃຫ້ທ່ານຣູຮານີຢ່າງເປັນທາງການແລະກ່າວໂດຍຫວັງວ່າປະທານາທິບໍດີຈະບໍລິຫານປະເທດຢ່າງຍຸຕິທຳ,ໃຫ້ຄວາມສຳຄັນຕໍ່ກຸ່ມຄົນດ້ອຍໂອກາດ, ເພີ່ມທະວີແລະຮັກສາຄວາມສາມັກຄີແລະກຽດສັກສີຂອງປະເທດຊາດ.