ເມື່ອຄົນຕ່າງປະເທດພົບກັບຊາວເມືອງສາງຊ່າແຂວງຫູນານ ສປ ຈີນທີ່ມັກກິນກຸ້ງມັງກອນນ້ອຍຈະເກີດສິ່ງທີ່ໜ້າສົນໃຈໃດຂຶ້ນ? ຫຼັງຄືນວັນທີ 2 ສິງຫານີ້, ເມືອງດັ່ງກ່າວໄດ້ຈັດເທດສະການກຸ້ງມັງກອນຄັ້ງທີ 4 ດ້ວຍການແຂ່ງກິນກຸ້ງຢ່າງມ່ວນຊື່ນຄຶກຄື້ນ.
ຢູ່ສະຖານທີ່ຈັດພິທີເປີດເທດສະການດັ່ງກ່າວ, ນັກສຶກສາຕ່າງປະເທດ 4 ຄົນໄດ້ຮ່ວມໂຕະແຂ່ງກິນກຸ້ງກັບຊາວເມືອງສາງຊ່າຜູ້ກິນເກັ່ງ. ຕາມກະຕິກາ, ຜູ້ໃດກິນກຸ້ງໄດ້ຫຼາຍທີ່ສຸດໃນເວລາສັ້ນຈະເປັນຜູ້ຊະນະ. ຫຼັງການແຂ່ງຂັນຢ່າງດຸເດືອດ, ນັກສຶກສາລາວຜູ້ໜຶ່ງເປັນຜູ້ຊະນະໃນທີ່ສຸດ. ຝ່າຍເຈົ້າພາບຈັດເທດສະການໃຫ້ຮູ້ວ່າ, ຜູ້ແຂ່ງບໍ່ພຽງແຕ່ຕ້ອງມືໄວ,ຍິ່ງຕ້ອງຍາດເກັ່ງແລະກິນເຜັດເກັ່ງເພື່ອສຳຜັດກັບກຸ້ງທີ່ແຕ່ງໃຫ້ມີລົດແຊບ,ຫອມ,ເຜັດຮຶນຢ່າງເຕັມສ່ວນກິນຈົນນ້ຳຕາ ຂີ້ມູກໄຫຼພ້ອມກັນຈິ່ງຖືວ່າກິນໃຫ້ສົມໃຈເອົາແທ້ເອົາວ່າ.