ກະຊວງສາທາລະນະສຸກລາວເປີດເຜີຍຂໍ້ມູນຫຼ້າສຸດໃນວັນທີ 5 ສິງຫານີ້ວ່າ: ປີນີ້ ຢູ່ປະເທດຕົນໄດ້ພົບຜູ້ເປັນໄຂ້ເລືອດອອກແລ້ວ 5.000 ກວ່າຄົນ ໃນນີ້ມີ 7 ຄົນເສຍຊີວິດ.
ທັງນີ້, ກະຊວງສາທາລະນະສຸກລາວໄດ້ເປີດເຜີຍວ່າ: ເມື່ອກ້າວເຂົ້າສູ່ເດືອນກໍລະກົດ ກໍມີຜູ້ເປັນພະຍາດດັ່ງກ່າວເພີ່ມຂຶ້ນໃນລະດັບສູງສຸດ ໂດຍໃນ 6 ເດືອນຕົ້ນປີນີ້, ຜູ້ເປັນພະຍາດໄຂ້ເລືອດອອກມີປະມານ 3.000 ຄົນ, ແຕ່ພຽງແຕ່ 3 ອາທິດຂອງເດືອນກໍລະກົດຜ່ານມາ, ກໍໄດ້ເພີ່ມຂຶ້ນເກືອບ 2.000 ຄົນ ໂດຍຢູ່ນະຄອນຫຼວງວຽງຈັນແຜ່ລະບາດຮ້າຍແຮງທີ່ສຸດ.
ທ່ານທອງລຸນ ສີສຸລິດ ນາຍົກລັດຖະມົນຕີລາວ ໄດ້ອອກດຳລັດ ໂດຍແນະນຳໃຫ້ກະຊວງສາທາລະນະສຸກ ແລະ ພາກສ່ວນອື່ນໆທີ່ກ່ຽວຂ້ອງນຳໃຊ້ມາດຕະການປ້ອງກັນໃນຂອບເຂດທົ່ວປະເທດ, ຂະນະທີ່ກະຊວງສາທາລະນະສຸກລາວ ກໍແນນະນຳປະຊາຊົນເອົາໃຈໃສ່ການປ້ອງກັນພະຍາດໄຂ້ເລືອດອອກ ເປັນຕົ້ນ ຂວ້ຳພາຊະນະທີ່ຂັງນ້ຳທັງຢູ່ນອກແລະໃນເຮືອນໃຫ້ດີ, ທຳຄວາມສະອາດພາຊະນະບັນຈຸນ້ຳ, ລ້ຽງປານົກຍູງຢູ່ໃນອ່າງ ຫຼື ໄຫ ແລະ ສະນ້ຳ ທີ່ອາດຈະເປັນບ່ອນຂະຫຍາຍພັນຍຸງ.