ຫວ່າງບໍ່ດົນມານີ້, ສະມາຄົມອິນເຕີເນັດຈີນ, ສູນຂໍ້ມູນຂ່າວສານກະຊວງອຸດສາຫະກຳແລະເຕັກນິກຂໍ້ມູນຂ່າວສານຈີນ ໄດ້ຮ່ວມກັນເປີດເຜີຍບົດລາຍງານ "100 ອັນດັບສຸດຍອດວິສາຫະກິດອິນເຕີເນັດຈີນ" ປີ 2017 ໂດຍໃນນີ້ ມີບໍລິສັດເທນເຊນທ໌, ບໍລິສັດອາລີບາບາ ແລະ ບໍລິສັດບາຍດູ ຄອງອັນດັບແຕ່ທີ 1-3 5 ປີຕາມລຳດັບຢ່າງຕໍ່ເນື່ອງ.
ບົດລາຍງານດັ່ງກ່າວລະບຸວ່າ: ປີຜ່ານມາ, 100 ອັນດັບສຸດຍອດວິສາຫະກິດອິນເຕີເນັດສາມາດສ້າງລາຍຮັບຈາກທຸລະກິດອິນເຕີເນັດເຖິງ 1.070 ຕື້ຢວນ ເຊິ່ງລື່ນ 1.000 ຕື້ຢວນເປັນຄັ້ງທຳອິດ ແລະ ເພີ່ມຂຶ້ນ 46,8% ເມື່ອທຽບໃສ່ປີ 2015 ທັງເປັນເຈົ້າດຶງດູດການບໍລິໂພກຂໍ້ມູນຂ່າວສານເພີ່ມຂຶ້ນ 8,73%. ຂະນະທີ່ມີ 72 ວິສາຫະກິດສ້າງລາຍຮັບຈາກທຸລະກິດອິນເຕີເນັດເພີ່ມຂຶ້ນກວ່າ 20% ໃນນີ້ມີ 31 ວິສາຫະກິດເພີ່ມຂຶ້ນກວ່າ 100%.
