ທ່ານຫຼຽງໂກຢົງ ເຈົ້າໜ້າທີ່ກິດຈະການເສດຖະກິດກອງປະຊຸມການຄ້າແລະການພັດທະນາຂອງອົງການສະຫະປະຊາຊາດ ກ່າວໃນວັນທີ 7 ສິງຫານີ້ວ່າ: ໂຄງປະກອບການຄ້າຫຼາຍຝ່າຍທີ່ຖືເອົາອົງການການຄ້າໂລກ ຫຼື WTO ເປັນໃຈກາງ ໄດ້ສະໜອງຊ່ອງທາງໃຫ້ແກ່ການໃຊ້ມາດຕະການສົງເຄາະການຄ້າທີ່ສົມເຫດສົມຜົນຢ່າງເຕັມສ່ວນແລ້ວ ແລະຍັງໄດ້ສ້າງກົນໄກແກ້ໄຂຄວາມຂັດແຍ້ງກັນດ້ານການຄ້າຢ່າງມີປະສິດທິຜົນອີກດ້ວຍ. ຖ້າວ່າອາເມລິກາເມີນເສີຍຕໍ່ກົດລະບຽບການຄ້າຫຼາຍຝ່າຍ ແລະ ໃຊ້ມາດຕະການຂວ້ຳບາດການຄ້າຄູ່ຄ້າຂອງຕົນໂດຍຖືກົດໝາຍພາຍໃນປະເທດຕົນເປັນຫຼັກນັ້ນ ກໍຈະເປັນການຂວ້ຳບາດແຕ່ຝ່າຍດຽວແລະຕາມລຳພັງ ເຊິ່ງບໍ່ທ່ຽງທຳຕໍ່ຜູ້ອື່ນ ທັງບໍ່ສອດຄ່ອງກັບກົດໝາຍສາກົນ ແລະ ຈະສ້າງຜົນຮ້າຍຢ້ອນຫຼັງຢ່າງໜັກໜ່ວງທີ່ສຸດ ສະນັ້ນ, ຈຶ່ງເປັນການກະທຳທີ່ບໍ່ສະຫຼາດປານໃດ.
ທ່ານຫຼຽງໂກຢົງ ເຕືອນວ່າ: ຖ້າອາເມລິກາໃຊ້ມາດຕະການດ່ານພາສີ ຫຼື ມາດຕະການຈຳກັດການຄ້າອື່ນໆ ແຕ່ຝ່າຍດຽວ, ບໍ່ພຽງແຕ່ຈະເຮັດໃຫ້ພື້ນຖານໂຄງປະກອບການຄ້າຫຼາຍຝ່າຍຄອນແຄນເທົ່ານັ້ນ, ຫາກຈະພາໃຫ້ເກີດສົງຄາມການຄ້າ ແລະ ໃນທີ່ສຸດກໍຈະສ້າງຜົນເສຍຫາຍໃຫ້ແກ່ແຕ່ລະຝ່າຍ.
