ກອງປະຊຸມມິດຕະພາບພົນລະເຮືອນຈີນ-ອາຊຽນຄັ້ງທີ 11 ທີ່ສະມາຄົມມິດຕະພາບກຳປູເຈຍ-ຈີນເປັນເຈົ້າພາບໄດ້ຈັດຂຶ້ນຢູ່ເມືອງຊຽມລຽບ ປະເທດກຳປູເຈຍໃນວັນທີ 7 ສິງຫານີ້. ແລະຈະດຳເນີນເປັນເວລາ 2 ວັນ, ໂດຍມີຜູ້ຕາງໜ້າວົງການຕ່າງໆ 600 ກວ່າທ່ານຈາກຈີນແລະອາຊຽນເຂົ້າຮ່ວມ.
ທ່ານນາງກູ້ຊິ້ວຫຼຽນ ປະທານສະມາຄົມມິດຕະພາບຈີນ-ອາຊຽນກ່າວໄຂກອງປະຊຸມວ່າ, ກອງປະຊຸມຄັ້ງນີ້ໄດ້ເນັ້ນຫົວຂໍ້ "ເພີ່ມທະວີການເຊື່ອມສານຈິດໃຈຂອງປະຊາຊົນ, ຮັກສາສັນຕິພາບແລະການຮ່ວມມື", ເຊິ່ງເປັນການສະແດງໃຫ້ເຫັນເຖິງບົດບາດສຳຄັນຂອງມິດຕະພາບພົນລະເຮືອນໃນການພົວພັນລະຫວ່າງຈີນກັບອາຊຽນ, ທັງສອດຄ່ອງກັບຄວາມມຸ່ງຫວັງແລະໜ້າທີ່ຮັບຜິດຊອບຂອງການຮ່ວມມືລະຫວ່າງພົນລະເຮືອນຈີນ-ອາຊຽນແລະການເພີ່ມທະວີຄວາມຝັນເປັນຈິດໜຶ່ງໃຈດຽວຂອງປະຊາຊົນໃນຂະບວນການກໍ່ສ້າງ "ໜຶ່ງແລວທາງໜຶ່ງເສັ້ນທາງ".
ທ່ານນາງກູ້ຊິ້ວຫຼຽນກ່າວຕື່ມວ່າ, ຊຸກຍູ້ການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ຕ້ອງການສະໜັບສະໜູນຈາກປະຊາຊົນຂອງປະເທດຕ່າງໆລວມທາງບັນດາປະເທດອາຊຽນ, ປະຊາຊົນຂອງສອງຝ່າຍມີຕິດຕໍ່ພົວພັນຫຼາຍຂຶ້ນ, ການຮ່ວມມືຢ່າງແທ້ຈິງປະເທດຕ່າງໆຈຶ່ງສາມາດດຳເນີນເປັນຢ່າງດີ, ມິດຕະພາບລະຫວ່າງປະເທດຕ່າງໆຈຶ່ງມີພື້ນຖານໝັ້ນແກ່ນກວ່າເກົ່າ.
 |
