ໄລຍະນີ້ພໍດີເປັນໄລຍະການຂົນສົ່ງໂດຍສານທາງລົດໄຟຍາມລະດູຮ້ອນ, ໃນບັນດາສະມາຊິກໜ່ວຍຕຳຫຼວດພິເສດທີ່ປະຕິບັດໜ້າທີ່ດ້ວຍການຜັດປ່ຽນກັນລາດຕະເວນຕະຫຼອດ24 ຊົ່ວໂມງຢູ່ສະຖານີລົດໄຟເມືອງອູຮັ້ນ ແຂວງຫູເປີຍ ສປ ຈີນນັ້ນ, ມີຕຳຫຼວດຍິງທີ່ຢືນຖືປືນຍາວອັດຕະໂນມັດຢ່າງສະຫງ່າຜ່າເຜີຍເຊິ່ງພາບດັ່ງກ່າວສາມາດດຶງດູດສາຍຕາຂອງຄົນເປັນພິເສດ. ລີຊີ ທີ່ປີນີ້ອາຍຸ 35 ປີເປັນມືປືນດັກຍິງເພດຍິງພຽງໜຶ່ງດຽວຂອງໜ່ວຍຕຳຫຼວດພິເສດອົງການປ້ອງກັນຄວາມສະຫງົບທາງລົດໄຟເມືອງອູຮັ້ນ. ໃນໄລຍະແລ່ນບໍລິການ ຍາມລະດູຮ້ອນປີນີ້, ນາງໄດ້ຮັບການມອບໝາຍໄປປະຕິບັດຫຼາຍໜ້າທີ່ເປັນຕົ້ນ ການຮັບມືເຫດການສຸກເສີນ,ການປ້ອງກັນຄວາມຮຸນແຮງແລະອື່ນໆຢູ່ສະຖານີລົດໄຟອູຮັ້ນ.
1 2 3 4 5