ແຂວງໄຫຫຼຳແລະອິນໂດເນເຊຍຮ່ວມມືດ້ານການທ່ອງທ່ຽວ

ຄະນະກຳມະການທ່ອງທ່ຽວເມືອງໄຫໂຂວແຂວງໄຫຫຼຳ ສປ ຈີນກັບສະມາຄົມບໍລິສັດທ່ອງທ່ຽວອິນໂດເນເຊຍ, ກຸ່ມບໍລິສັດທ່ອງທ່ຽວສາຍການບິນໄຫຫຼຳແລະບໍລິສັດທ່ອງທ່ຽວTXພ້ອມດ້ວຍສະໂມສອນທ່ອງທ່ຽວQyoຂອງອິນໂດເນເຊຍໄດ້ເຊັນສັນຍາຮ່ວມມືຢູ່ເມືອງໄຫໂຂວໃນວັນທີ 9 ສິງຫານີ້ເພື່ອຮ່ວມກັນພັດທະນາຕະຫຼາດການທ່ອງທ່ຽວໄຫຫຼຳ.

ສັນຍາດັ່ງກ່າວລະບຸວ່າ: ຄະນະນັກທ່ອງທ່ຽວອິນໂດເນເຊຍທີ່ມີ 5 ຄົນຂຶ້ນໄປມາທ່ຽວໄຫຫຼຳກໍຈະສາມາດໄດ້ຮັບການຍົກເວັ້ນວີຊາ 15 ມື້. ນອກນີ້, ໄຫຫຼຳຍັງຈະມອບທຶນພາກລັດໃຫ້ບໍລິສັດທ່ອງທ່ຽວທີ່ພັດທະນາຕະຫຼາດອິນໂດເນເຊຍ ເຊິ່ງທຶນດັ່ງກ່າວສາມາດຊ່ວຍຫຼຸດຕົ້ນທຶນການບໍລິການທ່ອງທ່ຽວໄຫຫຼຳໃຫ້ຕ່ຳລົງເພື່ອຮັບປະກັນຜົນກຳໄລຂອງບໍລິສັດທ່ອງທ່ຽວອິນໂດເນເຊຍ.