ທ່ານໂມຮະເມັດ ນັສຣິ ອັບດູ ອາຊິສ, ລັດຖະມົນຕີກະຊວງທ່ອງທ່ຽວແລະວັດທະນະທຳມາເລເຊຍເປີດເຜີຍໃນວັນທີ 8 ສິງຫານີ້ວ່າ, ປະເທດຕົນຈະເກັບພາສີທ່ອງທ່ຽວຕໍ່ນັກທ່ອງທ່ຽວຕ່າງປະເທດເລີ່ມແຕ່ວັນທີ 1 ກັນຍາໜ້າເປັນຕົ້ນໄປ.
ທ່ານນັສຣິ ກ່າວໃນພິທີຖະແຫຼງຂ່າວທີ່ຈັດຂຶ້ນໃນມື້ດັ່ງກ່າວວ່າ, ນັກທ່ອງທ່ຽວຕ່າງປະເທດຈະເສຍຄ່າທ່ອງທ່ຽວ 10 ລິງກິດຕໍ່ມື້ບໍ່ວ່າຈະພັກຢູ່ໂຮງແຮມໃດກໍຕາມຢູ່ມະເລເຊຍ; ປະຊາຊົນມະເລເຊຍແລະຊາວຕ່າງປະເທດອາໄສຢູ່ມະເລເຊຍຖາວອນບໍ່ຕ້ອງເສຍພາສີດັ່ງກ່າວ; ນັກທ່ອງທ່ຽວທີ່ພັກຢູ່ເຮືອນພັກຂອງປະຊາຊົນມະເລເຊຍທີ່ລົງທະບຽນຢູ່ກະຊວງວັດທະນະທຳແລະທ່ອງທ່ຽວກໍບໍ່ຕ້ອງເສຍພາສີດັ່ງກ່າວເຊັ່ນດຽວກັນ.
ທ່ານນັສຣີ ກ່າວຕື່ມວ່າ, ການເກັບພາສີທ່ອງທ່ຽວຄາດວ່າຈະສ້າງລາຍຮັບ 210 ລ້ານລິງກິດຕໍ່ປີໃຫ້ແກ່ປະເທດຕົນ.
 |
