ທ່ານປຣັກ ຊົກກົນ ລັດຖະມົນຕີກະຊວງການຕ່າງປະເທດແລະຮ່ວມມືສາກົນກຳປູເຈຍໄດ້ຈັດພິທີຖະແຫຼງຂ່າວຢູ່ນະຄອນຫຼວງພະນົມເປັນໃນວັນທີ 9 ສິງຫານີ້ວ່າ, ການໄດ້ບັນລຸຂອບ "ກົດແຫ່ງການປະພຶດຢູ່ທະເລຈີນໃຕ້" ເປັນຂີດໝາຍສະແດງໃຫ້ເຫັນວ່າ, ການພົວພັນຈີນ-ອາຊຽນໄດ້ກ້າວໄປອີກກ້າວໜຶ່ງທີ່ໜັກແໜ້ນ.
ທ່ານກ່າວຕື່ມວ່າ, ການບັນລຸຂອບດັ່ງກ່າວເປັນບາດກ້າວທີ່ຕັ້ງໜ້າ ແລະສຳຄັນໃນຂະບວນການທີ່ຈະວາງ "ກົດແຫ່ງການປະພຶດ" ເປັນຂັ້ນສຸດທ້າຍ ອັນເປັນຜົນມາຈາກຄວາມໄວ້ເນື້ອເຊື່ອໃຈຂອງການເຈລະຈາໄດ້ຊຸກຍູ້ໃຫ້ຈີນແລະອາຊຽນເດີນໄປຕາມທິດທາງປົກປັກຮັກສາສັນຕິພາບແລະສະຖຽນລະພາບ ລວມທັງຊຸກຍູ້ການພັດທະນາແລະຄວາມຈະເລີນຮຸ່ງເຮືອງຮ່ວມກັນ.
ປີ 2002, ຈີນແລະບັນດາປະເທດໃນອາຊຽນໄດ້ລົງນາມໃນ "ຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້", ມາເຖິງເດືອນພຶດສະພາປີນີ້ ກໍໄດ້ພິຈາລະນາຂອບ "ກົດແຫ່ງການປະພຶດ" ແລະໃນທີ່ສຸດກໍໄດ້ຮັບຮອງຂອບ "ກົດແຫ່ງການປະພຶດ" ອີກເທື່ອໜຶ່ງໃນກອງປະຊຸມລັດຖະມົນຕີການຕ່າງປະເທດອາຊຽນທີ່ຈັດຂຶ້ນແຕ່ວັນທີ 2 ຫາ 8 ເດືອນນີ້.