ການແຂ່ງຂັນແລ່ນແລະລານຊິງແຊ໊ມໂລກລອນດອນໄດ້ປິດສາກລົງໃນວັນທີ 13 ສິງຫານີ້ ໂດຍຄະນະກຳມະການຈັດງານໄດ້ປະກາດດ້ວຍຄວາມດີໃຈວ່າ: ຈຳນວນຜູ້ຊືີ້ປີ້ເຂົ້າຊົມການແຂ່ງຂັນໃນ 10 ມື້ຜ່ານມາໄດ້ສ້າງສະຖິຕິກິເນສບຸກໃໝ່.
ຄະນະກຳມະການເປີດເຜີຍໃນວັນທີ 13 ສິງຫານີ້ວ່າ: ໃນ 10 ມື້ຜ່ານມາ,ສາມາດຂາຍປີ້ເຂົ້າຊົມໄດ້ 7 ແສນ 5 ພັນໃບ ເຊິ່ງເປັນການສ້າງສະຖິຕິໂລກໃນກິເນສບຸກໃໝ່. ການແຂ່ງຂັນມາລາທອນຊາຍຍິງທີ່ມີຈຸດເລີ່ມຕົ້ນຈາກຂົວທາວເມືອງລອນດອນໃນວັນທີ 6 ສິງຫານີ້ ໄດ້ດຶງດູດຜູ້ຊົມຕາມຖະໜົນ 150.000 ຄົນ ເຊິ່ງຕົວເລກດັ່ງກ່າວໄດ້ເຮັດໃຫ້ຜູ້ຈັດຮູ້ສຶກພູມໃຈຫຼາຍ.
ທ່ານ ຊີບາສ໌ຕຽນ ນິວໂປດ ໂຄວ ປະທານສະຫະພັນແລ່ນແລະລານສາກົນກ່າວວ່າ: ການແຂ່ງຂັນດັ່ງກ່າວບໍ່ພຽງແຕ່ໄດ້ສ້າງສະຖິຕິໂລກໃນກິເນສບຸກໃໝ່ເທົ່ານັ້ນ ຫາກຍັງເປັນສັນຍານສະແດງໃຫ້ເຫັນວ່າປະຊາຊົນນັບມື້ນັບນິຍົມກິລາແລ່ນແລະລານ. ທ່ານ ໂຄວ ກ່າວຕື່ມວ່າ: ປີຜ່ານມາ, ຕົນໄດ້ເຫັນບຸກຄົນໃນວົງການການແລ່ນແລະລານຄ່ອຍໆເລີ່ມມີຄວາມໝັ້ນໃຈແລ້ວ ແລະມາດຕະການທີ່ເຄັ່ງຄັດແລະການປະຕິຮູບທີ່ເດັດຂາດຂອງສະຫະພັນແລ່ນແລະລານສາກົນເຮັດໃຫ້ຊາວໂລກເຊື່ອໝັ້ນວ່າ: ຄວນຕັດສິນໃຈປ່ຽນແປງກິລາແລ່ນແລະລານໃຫ້ກ້າວໜ້າ.