ລັດຖະສະພາອີຣານໄດ້ຜ່ານຍັດຕິສະບັບໜຶ່ງໃນວັນທີ 13 ສິງຫານີ້ ໂດຍຕົກລົງເພີ່ມງົບປະມານ 500 ກວ່າລ້ານໂດລາສະຫະລັດໃຫ້ແກ່ໂຄງການຄົ້ນຄວ້າພັດທະນາຂີປະນາວຸດແລະການເຄື່ອນໄຫວຢູ່ຕ່າງປະເທດຂອງກອງທັບປະຕິວັດອິສລາມ ເພື່ອຮັບມືກັບການຂວ້ຳບາດຫຼ້າສຸດຂອງອາເມລິກາ.
ສະມາຊິກສະພາ 244 ຄົນ ທີ່ເຂົ້າຮ່ວມກອງປະຊຸມໃນມື້ດັ່ງກ່າວ ມີ 240 ຄົນເຫັນດີ, ຈາກນັ້ນ ຍັດຕິດັ່ງກ່າວຈະສົ່ງໄປໃຫ້ຄະນະກຳມະການປ້ອງກັນລັດຖະທຳມະນູນເພື່ອລົງນາມ.
ທ່ານ ອາລີ ລາຣີຈານີ ປະທານລັດຖະສະພາອີຣານ ກ່າວຫຼັງປະຊຸມໃນມື້ດັ່ງກ່າວໂດຍບອກອາເມລິກາຕ້ອງຮູ້ແຈ້ງວ່າ, ຍັດຕິສະບັບນີ້ເປັນພຽງແຕ່ບາດກ້າວທຳອິດໃນການຕໍ່ຕ້ານການກະທຳທີ່ບໍ່ຮັບຜິດຊອບຂອງອາເມລິກາຢູ່ພາກພື້ນຕົນ.
 |
