ພິທີເຊັນສັນຍາກໍ່ສ້າງໂຄງການຫໍປະຈຳຊາດມາເລເຊຍທີ່ຈະສ້າງຂຶ້ນຢູ່ເຂດທົດລອງການຄ້າເສລີຊ່ວງຫຼິວເສິງຕູ ສປ ຈີນ ໄດ້ຈັດຂຶ້ນຢູ່ເມືອງເສິງຕູ ແຂວງເສສວນ ໃນວັນທີ 14 ສິງຫານີ້ ໂດຍຫໍປະຈຳຊາດດັ່ງກ່າວເປັນແຫ່ງທຳອິດຢູ່ຈີນເພື່ອສ້າງໃຫ້ເປັນເວທີແລກປ່ຽນສັງລວມທີ່ກວມເອົາເສດຖະກິດ, ວັດທະນະທຳ, ການສຶກສາ, ທ່ອງທ່ຽວ, ການວາງສະແດງ, ການລົງທຶນ ແລະ ການບໍລິການ.
ທ່ານຈ່າງຈິ່ນສວນ ຮອງຫົວໜ້າປະຈຳການຄະນະຄຸ້ມຄອງປະຈຳເຂດເສິງຕູເຂດການຄ້າເສລີເສສວນຈີນ ຢືນຢັນວ່າ: ຫໍປະຈຳຊາດມາເລເຊຍຈະນຳໃຊ້ທ່າແຮງດ້ານຊັບພະຍາກອນຂອງກະຊວງອຸດສາຫະກຳການຄ້າສາກົນຂອງປະເທດດັ່ງກ່າວ ເພື່ອດຶງດູດວິສາຫະກິດການຄ້າການລົງທຶນ ແລະ ສິນຄ້າທີ່ມີຄຸນນະພາບຂອງມາເລເຊຍເຂົ້າມາຈີນ ແລະຂະນະດຽວກັນ ກໍຊຸກດັນວິສາຫະກິດລົງທຶນ ແລະ ສິນຄ້າຂອງຈີນເຂົ້າໄປພັດທະນາມາເລເຊຍ ແລະຕະຫຼາດປະເທດອື່ນໆໃນພາກພື້ນອາຊີຕາເວັນອອກສຽງໃຕ້.
ໃນພິທີເຊັນສັນຍາດັ່ງກ່າວ, 4 ບໍລິສັດຕົວແທນໃນຂົງເຂດອາຫານປະເທດມາເລເຊຍ ໄດ້ລົງນາມໃນສັນຍາທີ່ຕາງໜ້າວິສາຫະກິດເຂົ້າປະຈຳເຂດທົດລອງການຄ້າເສລີດັ່ງກ່າວ.
