ວັນທີ 15 ສິງຫານີ້, ທ່ານຊິນໂຈ ອາເບະ ນາຍົກລັດຖະມົນຕີຍີ່ປຸ່ນ ໄດ້ສົ່ງຄ່າເຊັ່ນໄຫວ້ໃຫ້ຫໍໄຫວ້ຢາຊູຄູນີທີ່ເປັນບ່ອນຕັ້ງປ້າຍຊື່ອາຊະຍາກອນສົງຄາມຊັ້ນ 1 ຂອງຍີ່ປຸ່ນໃນສະໄໝສົງຄາມໂລກຄັ້ງທີ 2 ໃນນາມປະທານພັກເສລີປະຊາທິປະໄຕຍີ່ປຸ່ນ.
ຖືວ່າເປັນ 5 ປີຊ້ອນທີ່ທ່ານຊິນໂຈ ອາເບະ ສົ່ງຄ່າເຊັ່ນໄຫວ້ໃຫ້ຫໍໄຫວ້ຢາຊູຄູນີໃນວັນຍີ່ປຸ່ນຍອມຈຳນົນ ນັບແຕ່ທ່ານຂຶ້ນດຳລົງຕຳແໜ່ງນາຍົກລັດຖະມົນຕີເມື່ອທ້າຍປີ 2012 ເປັນຕົ້ນມາ.
ໃນຫໍໄຫວ້ຢາຊູຄູນີ ໄດ້ຕັ້ງປ້າຍຊື່ອາຊະຍາກອນສົງຄາມຊັ້ນ 1 ຂອງຍີ່ປຸ່ນໃນສົງຄາມໂລກຄັ້ງທີ 2 ຈຳນວນ 14 ຄົນ ລວມທັງ ຮີເດກິ ໂຕຈີໂອະ. ເປັນເວລາດົນນານແລ້ວທີ່ນັກການເມືອງ ແລະ ສະມາຊິກສະພາຍີ່ປຸ່ນບາງຄົນ ຖືສຳຄັນການໄປນະມັດສະການຫໍໄຫວ້ຢາຊູຄູນີ ແລະ ຖືກຜູ້ຮັກຫອມສັນຕິພາບຈຳນວນຫຼາຍພາຍໃນປະເທດຍີ່ປຸ່ນແລະປະຊາຄົມໂລກຄັດຄ້ານຢ່າງຮຸນແຮງ. ຂະນະດຽວກັນ ກໍເຮັດໃຫ້ການພົວພັນລະຫວ່າງຍີ່ປຸ່ນກັບປະເທດໃນອາຊີ ເປັນຕົ້ນ ຈີນ ແລະ ສ.ເກົາຫຼີ ເຄັ່ງຕຶງຂຶ້ນ.