ໃນການຖະແຫຼງຂ່າວທີ່ຈັດຂຶ້ນໃນວັນທີ 14 ສິງຫານີ້, ທ່ານນາງ ຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວວ່າ: ຈີນແລະອາຊຽນມີສະຕິປັນຍາແລະຄວາມສາມາດຄຸ້ມຄອງແລະຄວບຄຸມຄວາມຂັດແຍ້ງກັນໄດ້ຢ່າງເໝາະສົມ ທັງມີຄວາມສາມາດວາງຫຼັກການຂອງພາກພື້ນດ້ວຍຄວາມເປັນເອກະພາບ ເພື່ອປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້.
ນັກຂ່າວຖາມວ່າ: ອາທິດຜ່ານມາ, ທ່ານ ວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງການຮ່ວມມືອາຊີຕາເວັນອອກພ້ອມດ້ວຍກອງປະຊຸມກ່ຽວຂ້ອງຕ່າງໆ. ຈີນມີຄຳເຫັນແນວໃດທີ່ປະເທດຕົນໄດ້ເສີມຂະຫຍາຍບົດບາດຊຸກຍູ້ການຮ່ວມມືຂອງພາກພື້ນອາຊີຕາເວັນອອກແລະແກ້ໄຂບັນຫາຈຸດສຸມຂອງພາກພື້ນ.
ທ່ານນາງ ຮວ້າຊຸ່ນຢີງ ກ່າວວ່າ: ທ່ານ ວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ນຳພາຄະນະຜູ້ແທນເຂົ້າຮ່ວມກອງປະຊຸມການຮ່ວມມືອາຊີຕາເວັນອອກພ້ອມດ້ວຍກອງປະຊຸມກ່ຽວຂ້ອງຕ່າງໆ. ເຊິ່ງໂດຍລວມແລ້ວ, ກອງປະຊຸມຄັ້ງນີ້ໄດ້ມີປັດໄຈທີ່ຕັ້ງໜ້າແລະມີລັກສະນະສ້າງສັນຫຼາຍ ເຊິ່ງສະແດງໃຫ້ເຫັນເຖິງຄວາມມຸ່ງມາດປາຖະໜາທາງການເມືອງຂອງປະເທດຢູ່ໃນພາກພື້ນທີ່ເນັ້ນການຮ່ວມມື,ສະແຫວງຫາການພັດທະນາ,ຮ່ວມກັນຜະເຊີນກັບສິ່ງທ້າທາຍ. ໂດຍຈີນກໍໄດ້ເສີມຂະຫຍາຍບົດບາດຂອງຕົນຢ່າງສ້າງສັນແລະຕັ້ງໜ້າ.
 |
