ແນວໂຮມສະມາຊິກສະພາຈີນຂອງເບຣຊິນ ໄດ້ຈັດກິດຈະກຳລະນຶກຊາວຍ້າຍຖິ່ນຈີນຢູ່ຫ້ອງປະຊຸມຄົບຄະນະສະພາຕ່ຳເບຣຊິນໃນວັນທີ 15 ສິງຫານີ້ ໂດຍທ່ານ ຟູສຕີອັນ ພີນາໂຕ ປະທານແນວໂຮມດັ່ງກ່າວ ໄດ້ສະເໜີຍັດຕິຕໍ່ກອງປະຊຸມຄົບຄະນະສະພາຕ່ຳ ໂດຍຮຽກຮ້ອງໃຫ້ກຳນົດເອົາວັນທີ 15 ສິງຫາຂອງທຸກປີ ເປັນ "ວັນຊາວຍ້າຍຖິ່ນຈີນ".
ຍັດຕິດັ່ງກ່າວຊີ້ອອກວ່າ, ການກຳນົດວັນຊາວຍ້າຍຖິ່ນຈີນ ເປັນການຮັບຮອງຊາວຈີນທີ່ຍ້າຍຖິ່ນໄປຢູ່ເບຣຊິນ ເຊິ່ງເຂົາເຈົ້າໄດ້ຊ່ວຍເບຣຊິນຂຽນປະຫວັດສາດ ແລະຈະສືບຕໍ່ຂຽນຕໍ່ໄປ.
ຕາມການບັນທຶກ, ຕັ້ງແຕ່ຕົ້ນສະຕະວັດທີ 19 ກໍມີຊາວຈີນເດີນທາງເຖິງເບຣຊິນ, ແຕ່ຕາມການບັນທຶກທາງການຂອງເບຣຊິນ, ຊາວຈີນທີ່ເຖິງເບຣຊິນກຸ່ມທຳອິດແມ່ນວັນທີ 15 ສິງຫາປີ 1900. ສະນັ້ນ, ແນວໂຮມສະມາຊິກສະພາຊາວຈີນເບຣຊິນ ຈຶ່ງສະເໜີໃຫ້ກຳນົດເອົາວັນດັ່ງກ່າວເປັນ "ວັນຊາວຍ້າຍຖິ່ນຈີນ".