ສະຖານກົງສຸນໃຫຍ່ຈີນປະຈຳຫຼວງພະບາງເປີດເຜີຍຂ່າວໃນວັນທີ 16 ສິງຫານີ້ວ່າ, ທ່ານສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳແລະທ່ອງທ່ຽວລາວກ່າວໃນວັນທີ 15 ສິງຫານີ້ໄດ້ກ່າວດ້ວຍຄວາມຫວັງໃຫ້ລາວ-ຈີນເພີ່ມທະວີການແລກປ່ຽນແລະຮ່ວມມືໃນຂົງເຂດຖະແຫຼງຂ່າວ, ວັດທະນະທຳແລະທ່ອງທ່ຽວ, ໂດຍສະເພາະເພີ່ມທະວີການຮ່ວມມືດ້ານການເພີ່ມລາຍການວິທະຍຸໂທລະພາບຈີນອອກອາກາດຢູ່ປະເທດຕົນ.
ໃນໂອກາດເຂົ້າຮ່ວມກອງປະຊຸມວຽກງານສື່ມວນຊົນເຂດພາກເໜືອປະຈຳປີທີ່ຈັດຂຶ້ນຢູ່ແຂວງຫຼວງພະບາງໃນວັນທີ 15 ສິງຫານີ້, ທ່ານສະຫວັນຄອນໄດ້ຫາລືກັບທ່ານລີປາວກວ່າງ, ສະຖານກົງສຸນໃຫຍ່ຈີນປະຈຳຫຼວງພະບາງ, ໂດຍສອງຝ່າຍໄດ້ແລກປ່ຽນຄວາມເຫັນກ່ຽວກັບການແລກປ່ຽນແລະການຮ່ວມມືໃນຂົງເຂດຖະແຫຼງຂ່າວ ວັດທະນະທຳແລະທ່ອງທ່ຽວລະຫວ່າງ 6 ແຂວງພາກເໜືອຂອງລາວກັບຈີນ.
ທ່ານສະຫວັນຄອມກ່າວວ່າ, ຫຼາຍປີຜ່ານມາ, ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດຍາດໄດ້ຮັບຜົນງານຢ່າງຫຼວງຫຼາຍ, ໂດຍເປັນສ່ວນສຳຄັນຊຸກຍູ້ການແລກປ່ຽນແລະການຮ່ວມມືລະຫວ່າງສອງປະເທດໃນຂົງເຂດຖະແຫຼງຂ່າວ ວັດທະນະທຳແລະທ່ອງທ່ຽວແລະອື່ນໆ, ເສີມຂະຫຍາຍບົດບາດສຳຄັນຕໍ່ການເພີ່ມຄວາມເຂົ້າໃຈແລະນ້ຳໃຈມິດຕະພາບຂອງປະຊາຊົນສອງປະເທດ. ສະມາຄົມນັກຂ່າວພາກເໜືອລາວຄວນເສີມຂະຫຍາຍທ່າແຮງຈາກການມີທີ່ຕັ້ງຕິດຊາຍແດນ, ເພີ່ມທະວີການແລກປ່ຽນແລະການຮ່ວມມືກັບແຂວງຢຸນນານແລະເຂດກວາງຊີຂອງຈີນຕື່ມອີກ, ຫວັງວ່າສອງຝ່າຍຈະເພີ່ມທະວີການຮ່ວມມືຍົກລະດັບບຸກຄະລາກອນສື່ມວນຊົນ, ອຸປະກອນການເກັບກຳຂ່າວແລະເພີ່ມລາຍການວິທະຍຸໂທລະພາບຈີນອອກອາກາດຢູ່ລາວແລະອື່ນໆ.
 |
