ມີນັກຂ່າວຖາມຫຼັງພິທີຖະແຫຼງຂ່າວທີ່ຈັດຂຶ້ນໃນວັນທີ 16 ສິງຫານີ້ ໂດຍອ້າງຕາມແຫຼ່ງຂ່າວວ່າ, ທ່ານ ຄາຢາທາໂນ ລັດຖະມົນຕີກະຊວງການຕ່າງປະເທດຟິລິບປິນໄດ້ກ່າວຕໍ່ສະມາຊິກສະພາແຫ່ງຊາດໃນວັນທີ 15 ສິງຫານີ້ວ່າ, ຟິລິບປິນແລະຈີນພວມປຶກສາຫາລືກັນກ່ຽວກັບການເຊັນສັນຍາການຄ້າວ່າດ້ວຍການຮ່ວມກັນສຳຫຼວດແລະຂຸດຄົ້ນຊັບພະຍາກອນນ້ຳມັນເຊື້ອໄຟແລະອາຍແກັສທຳມະຊາດຢູ່ເຂດທີ່ມີຄວາມຂັດແຍ້ງກັນຢູ່ທະເລຈີນໃຕ້. ຈີນສາມາດຢືນຢັນຂ່າວນີ້ໄດ້ບໍ່?
ທ່ານນາງ ຮວ້າຊຸ່ນຢິງ ໂຄສົກກະຊວງການຕ່າງປະເທດຈີນຕອບວ່າ, ທີ່ຈິງແລ້ວ, ໃນຊຸມປີ 1980, ຈີນກໍໄດ້ສະເໜີຂໍ້ລິເລີ່ມການ "ໂຈະ ຄວາມຂັດແຍ້ງກັນໄວ້ ແລະພັດທະນາຮ່ວມກັນ" ໃນບັນຫາທະເລຈີນໃຕ້ ໂດຍເລັງໃສ່ຟິລິບປິນກ່ອນ. ແນວໃດກໍດີ, ອີງຕາມກົດໝາຍລະຫວ່າງຊາດແລະການປະຕິບັດຕົວຈິງໃນສາກົນ, ກ່ອນແກ້ໄຂບັນຄວາມຂັດແຍ້ງກັນທາງທະເລໃນຂັ້ນສຸດທ້າຍ, ປະເທດທີ່ກ່ຽວຂ້ອງຄວນຮັກສາຄວາມອົດທົນ ເພື່ອປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້ ແລະສ້າງເງື່ອນໄຂໃຫ້ແກ່ການແກ້ໄຂຄວາມຂັດແຍ້ງກັນໃນຂັ້ນສຸດທ້າຍ.
ທ່ານນາງ ຮວ້າຊຸ່ນຢິງ ກ່າວຕື່ມວ່າ, ຈີນເຊື່ອທີ່ສຸດຄື, ຂໍແຕ່ຍຶດໝັ້ນຈິດໃຈໄວ້ເນື້ອເຊື່ອໃຈກັນແລະຕ່າງຝ່າຍຕ່າງມີຜົນປະໂຫຍດແລ້ວ, ສອງປະເທດຈີນແລະຟິລິບປິນ ກໍຍ່ອມມີສະຕິປັນຍາແລະສາມາດພົບວິທີແກ້ໄຂທີ່ສອງຝ່າຍຮັບຮອງ ຮ່ວມກັນໄດ້ ເພື່ອເຮັດໃຫ້ສອງລັດແລະປະຊາຊົນສອງຊາດໄດ້ຮັບຜົນປະໂຫຍດ ແລະເຮັດໃຫ້ທະເລຈີນໃຕ້ ກາຍເປັນທະເລແຫ່ງສັນຕິພາບ, ມິດຕະພາບ ແລະການຮ່ວມມືຢ່າງແທ້ຈິງ.
 |
