ກິລາຊຽບເກມກໍ່ຕັ້ງຂຶ້ນໂດຍປະເທດໄທ, ແມ່ນມະຫະກຳກິລາຂອງປະຊາຊາດໃນພາກພື້ນ ໂດຍປະເທດທີ່ຈະເປັນເຈົ້າພາບໄດ້ຈັດໝູນວຽນຕາມລຳດັບຕົວອັກສອນພາສາອັງກິດ ແລະຈັດຂຶ້ນ 2 ປີຕໍ່ເທື່ອ ໂດຍຄັ້ງທຳອິດໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທໃນປີ 1959 ແລະຄັ້ງທີ 3 ທີ່ຈະຈັດຂຶ້ນໃນ 1963 ຕາມແຜນນັ້ນຖືກຍົກເລີກຍ້ອນສາເຫດຕ່າງໆ. ກ່ອນປີ 1977, ປະເທດທີ່ເຂົ້າຮ່ວມແຂ່ງຂັນມີພຽງແຕ່ໄທ, ມຽນມາ, ມາເລເຊຍ, ສິງກະໂປ, ກຳປູເຈຍ, ລາວແລະຫວຽດນາມ. ແຕ່ມາເຖິງຄັ້ງທີ 9 ຢູ່ນະຄອນຫຼວງກົວລາລຳເປີປະເທດມາເລເຊຍໃນເດືອນມັງກອນປີ 1977 ກໍໄດ້ຮັບເອົາອິນໂດເນເຊຍ, ຟີລິບປິນແລະບຣູໄນເຂົ້າຮ່ວມ, ແລະປ່ຽນຊື່ງານມະຫະກຳກິລາຊີເກມ. ຂະນະທີ່ຄັ້ງທີ 22 ທີ່ຈັດຂຶ້ນຢູ່ຫວຽດນາມໃນປີ 2003 ກໍໄດ້ຮັບເອົາຕີມໍເລສເຕເຂົ້າຮ່ວມ. ໃນປີ 2009, ລາວໄດ້ຈັດມະຫະກຳກິລາຊີເກມຄັ້ງທີ 25. ແລະປີນີ້ປີ 2017 ເປັນຄັ້ງທີ 29 ຈັດຂຶ້ນຢູ່ນະຄອນຫຼວງກົວລາລຳເປີປະເທດມາເລເຊຍແຕ່ວັນທີ 19 ຫາວັນທີ 31 ສິງຫາປີນີ້. ບັດນີ້ມາເບິ່ງສັນຍະລັກ, ຄຳຂວັນຫຼັກກໍຄືສັດນຳໂຊກຂອງມະຫະກຳກິລາຄັ້ງນີ້.
ໜຶ່ງ,ສັນຍະລັກ
ມະຫະກຳກິລາຊີເກມຄັ້ງທີ 29 ໄດ້ກຳນົດເອົາວ່າວບູລານ (wau bulan) ທີ່ເປັນເອກະລັກຂອງມາເລເຊຍເປັນສັນຍະລັກ. ການປະສົມປະສານລາຍເສັ້ນຍາວແລະແຖບນ້ອຍທີ່ມີຫຼາຍສີໂດຍມາຈາກທຸງຊາດຂອງບັນດາປະເທດອາຊີຕາເວັນອອກສຽງໃຕ້.
ສອງ,ສັດນຳໂຊກ
ເຈົ້າພາບຊີເກມປີ 2017 ໄດ້ເອົາເສືອທີ່ຊື່ວ່າຫຼີມ້າວ(Rimau) ໂດຍຊື່ຂອງເສືອແມ່ນໂຕຫຍໍ້ພາສາອັງກິດ,ຄື: ເຄົາລົບ (Respect), ຊື່ສັດສຸຈະລິດ（Integrity）, ການເຄື່ອນໄຫວ（Move）, ທ່າທີທີ່ຖືກຕ້ອງ（Attitude）ແລະສາມັກຄີ（Unity）.
ສາມ,ຄຳຂວັນ
"ຮ່ວມກັນຈະເລີນຮຸ່ງເຮືອງ"（Rising Together）ແມ່ນຄຳຂວັນຂອງມະຫະກຳກິລາຊີເກມປີ 2017. ເຊິ່ງໝາຍເຖິງປະຊາຊົນຂອງບັນດາປະເທດອາຊີຕາເວັນອອກສຽງໃຕ້ຮ່ວມມືແລະກ້າວໄປໜ້າ,ຮ່ວມກັນຂຽນປະຫວັດສາດໜ້າໃໝ່ໃນການຮ່ວມກັນສ້າງສັນຕິພາບ,ກ້າວໜ້າແລະຈະເລີນຮຸ່ງເຮືອງ.
