ທ່ານປ໋າຍຊຸນຫຼີ ຫົວໜ້າສະຖາບັນວິທະຍາສາດຈີນໄດ້ພົບປະກັບທ່ານບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດເຕັກໂນໂລຊີ ແຫ່ງ ສປປ ລາວ ຢູ່ສວນພືດສິບສອງພັ່ນນາແຂວງຢຸນນານຈີນໃນວັນທີ 17 ສິງຫານີ້ ໂດຍນອກຈາກໄດ້ສະແດງຄວາມຍິນດີຕ້ອນຮັບຕໍ່ການຢ້ຽມຢາມແລ້ວຍັງໄດ້ກ່າວວ່າ, ສວນພືດສິບສອງພັ່ນນາຂອງສະຖາບັນຕົນເປັນໜຶ່ງໃນສວນທີ່ດີທີ່ສຸດຂອງຈີນ ແລະຈະດຳເນີນການຄົ້ນຄວ້າແລະປົກປັກຮັກສາຊີວະນານາພັນທີ່ສຳຄັນຢູ່ອາຊີຕາເວັນອອກສຽງໃຕ້. ສະຖາບັນຕົນໄດ້ສ້າງສູນຊີວະນານາພັນອາຊີຕາເວັນອອກສຽງໃຕ້ຢູ່ມຽນມາເມື່ອປີ 2016 ແລະຈະສ້າງຫ້ອງການຊີວະນານາພັນອາຊີຕາເວັນອອກສຽງໃຕ້ຢູ່ລາວໃນໄວໆນີ້ ເຊິ່ງຈະມີຜົນດີຊ່ວຍໃຫ້ສອງຝ່າຍຮ່ວມມືໃນຂົງເຂດວິທະຍາສາດຕ່າງໆ ເຊັ່ນ ການຄຸ້ມຄອງຂັບພະຍາກອນທຳມະຊາດ, ການຄຸ້ມຄອງລະບົບຊີວະນິເວດແລະອື່ນໆ, ຂະນະດຽວກັນ ສະຖາບັນຕົນກໍຍິນດີອຸທິດຄວາມສາມາດດ້ານວິທະຍາສາດເຕັກໂນໂລຊີທີ່ດີເດັ່ນ ເພື່ອຍົກລະດັບການຮ່ວມມືລະຫວ່າງສອງຝ່າຍ.
ທ່ານບໍ່ວຽງຄຳ ວົງດາລາກ່າວວ່າ, ສະຖາບັນວິທະຍາສາດຈີນໄດ້ດຳເນີນການຮ່ວມມືການປົກປັກຮັກສາຊີວະນານາພັນກັບລາວ ເຊິ່ງສອດຄ່ອງກັບຍຸດທະສາດ "ໜຶ່ງແລວທາງໜຶ່ງເສັ້ນທາງ" ທີ່ທ່ານເລຂາທິການໃຫຍ່ສີຈິ້ນຜິງສະເໜີ ແລະລາວຍິນດີສະໜັບສະໜູນສູນຄົ້ນຊີວະນານາພັນອາຊີຕາເວັນອອກສຽງໃຕ້ສະຖາບັນວິທະຍາສາດຈີນຈະສ້າງຕັ້ງສາຂາຢູ່ລາວຢ່າງເຕັມສ່ວນ.