ຫວ່າງມໍ່ໆມານີ້, ຊ່ຽວຊານ60ກວ່າທ່ານຈາກວົງການລະຄອນເດັກທີ່ມາຈາກ 12 ປະເທດແລະເຂດແຄວ້ນ ເຊັ່ນ, ອາເມລິກາ, ຣັດເຊຍ,ແດນມາກແລະອື່ນໆໄດ້ເຕົ້າໂຮມກັນຢູ່ຫໍພິພິທະພັນພະລາຊະວັງບູຮານຈີນ, ເພື່ອຮ່ວມກັນປຶກສາຫາລືກ່ຽວກັບການຮ່ວມມືແລະພັດທະນາລະຄອນເດັກ, ແລະໄດ້ຕົກລົງ "ຄວາມເຫັນເປັນເອກະພາບກັນປັກກິ່ງໃນກອງປະຊຸມເວທີປຶກສາຫາລືການຮ່ວມມືແລະພັດທະນາລະຄອນເດັກສາກົນ".
ໃນກອງປະຊຸມເວທີປຶກສາຫາລືຄັ້ງນີ້ທີ່ຈັດຂຶ້ນໂດຍໂຮງລະຄອນສິລະປະເດັກຈີນ, ສະຖາບັນຄົ້ນຄວ້າລະຄອນເດັກຈີນນັ້ນ, ຜູ້ເຂົ້າຮ່ວມປະຊຸມໄດ້ປຶກສາຫາລືກັນຢ່າງເລິກເຊິ່ງ, ໂດຍໄດ້ຮັບຮູ້ວ່າ, ສິລະປະລະຄອນມີບົດບາດສຳຄັນໃນການຊ່ວຍເດັກນ້ອຍສ້າງບຸກຄະລິກທີ່ສົມບູນ, ຮັບຮູ້ສັງຄົມຢ່າງຖືກຕ້ອງແລະເຕີບໃຫຍ່ຢ່າງມ່ວນຊື່ນ.
ໂດຍຜ່ານການປຶກສາຫາລື, ຜູ້ເຂົ້າຮ່ວມປະຊຸມໄດ້ເປັນເອກະພາບກັນຮັບຮອງ"ຄວາມເຫັນເປັນເອກະພາບກັນປັກກິ່ງໃນກອງປະຊຸມເວທີປຶກສາຫາລືການຮ່ວມມືແລະພັດທະນາລະຄອນເດັກສາກົນ", ຄື: ໜຶ່ງ,ປັບປຸງແລະລົງເລິກກົນໄກແລກປ່ຽນແລະຮ່ວມມືທີ່ມີຢູ່ໃນປັດຈຸບັນ; ສອງ,ຊກຍູ້ການແລກປ່ຽນກັນລະຫວ່າງນັກສິລະປິນກັບຄະນະລະຄອນເດັກ; ສາມ,ຊົມໃຊ້ຊ່ອງທາງແລກປ່ຽນແລະຊັບພະຍາກອນນຳກັນ; ສີ່,ສົ່ງເສີມໃຫ້ນັກປະພັນແລະວົງການສະແດງແບ່ງປັນຜົນປະໂຫຍດຢ່າງສົມເຫດສົມຜົນ; ຫ້າ, ຊຸກຍູ້ແຕ່ງລະຄອນເດັກຮ່ວມກັນ; ຫົກ, ຊຸກຍູ້ການແລກປ່ຽນບົດຮຽນໃນການສຶກສາລະຄອນເດັກເຊິ່ງກັນແລະກັນ.