ເມື່ອມໍ່ໆນີ້, ສູນອະນຸລັກແລະຄົ້ນຄວ້າໝີແພນດາຈີນປະຈຳເມືອງຕູ່ຈ່ຽງຢ້ຽນໄດ້ສະຫຼອງວັນເກີດແຝດໝີແພນດາ "ປິ່ງປິ່ງ"ແລະ"ຊິ່ງຊິ່ງ"ຄົບຮອບ 2 ປີໂດຍ ພະນັກງານຂອງສູນດັ່ງກ່າວໄດ້ກຽມຂະໜົມເຄັກນ້ຳກ້ອນທີ່ເຮັດສະເພາະແຝດໝີແພນດາ ຂະນະທີ່ບັນດາແຟນຄລັບຈາກແຫ່ງຕ່າງໆໃນທົ່ວປະເທດກໍໄດ້ສະຫຼອງວັນເກີດໃຫ້ເຊັ່ນດຽວກັນ.
ໝີແພນດາ "ປິ່ງປິ່ງ" ແລະ "ຊິ່ງຊິ່ງ" ເກີດເມື່ອວັນທີ 18 ສິງຫາ 2015 ຢູ່ສູນລ້ຽງໝີແພນດາຮ່ອມພູປີ້ເຟິ່ງເມືອງຢາອ່ານແຂວງເສສວນໂດຍແມ່ຂອງພວກມັນຊື່ ຢາວມານ. ໝີແພນດາສອງໂຕດັ່ງກ່າວໄດ້ຮັບຄວາມນິຍົມທີ່ສຸດຈາກບັນດາຊາວເນັດເໝືອນດັ່ງເປັນດາລາດັງທາງອິນເຕີເນັດ, ຂະນະດຽວກັນກໍມີຊາວເນັດຍັງຕັ້ງຊື່ຫຼິ້ນໃຫ້ພວກມັນວ່າ "ເມີຍເມີຍ" ແລະ "ທ້ານທ້ານ"ດ້ວຍຄວາມສະໜິດສະໜົມອີກດ້ວຍ.
