ວັນທີ 19 ສິງຫານີ້, ພິທີ ພິມຈຳໜ່າຍສະແຕມລະນຶກ "ການພົບປະລະຫວ່າງຜູ້ນຳປະເທດບຣິກສ໌ທີ່ເຊ້ຍເໝິນ" ຄັ້ງປະຖົມມະລືກໄດ້ຈັດຂຶ້ນຢູ່ເມືອງເຊ້ຍເໝິນ ເຊິ່ງເປັນຄັ້ງທຳອິດທີ່ຈີນອອກແບບແລະພິມຈຳໜ່າຍສະແຕມທີ່ສ່ອງແສງໃຫ້ເຫັນບັນຍາກາດການພົບປະລະຫວ່າງຜູ້ນຳບຣິກສ໌. ຂ່າວແຈ້ງວ່າ, ການອອກແບບສະແຕມໄດ້ຖືເອົາຊື່ການພົບປະລະຫວ່າງຜູ້ນຳປະເທດບຣິກສ໌ປີ 2017 ແລະກາໝາຍກອງປະຊຸມເປັນຫຼັກ ທັງໄດ້ປະສານສົມທົບກັບພາບແຫຼ່ງທ່ອງທ່ຽວແລະວັດທະນະທຳທີ່ເປັນເອກະລັກຂອງເມືອງເຊ້ຍເໝິນ ເຊັ່ນ: ແຫຼ່ງທ່ອງທ່ຽວກູລ້າງຢູ, ມະຫາວິທະຍາໄລເຊ້ຍເໝິນ, ບ້ານຈີ໋ເໝີຍສົວ ແລະອື່ນໆ ໂດຍເປັນພາບທິວທັດກວ້າງຂວາງ ແລະສີສັນງົດງາມ.