ທະນາຄານ OCBC ສິງກະໂປ ປະກາດໃນວັນທີ 18 ສິງຫານີ້ວ່າ ໄດ້ເຊັນສັນຍາຮ່ວມມືຍຸດທະສາດອີກ 10 ປີກັບທະນາຄານນິງໂປຂອງຈີນ.
ນີ້ແມ່ນສັນຍາຮ່ວມມືຍຸດທະສາດສະບັບທີສອງທີ່ສອງຝ່າຍລົງນາມ ຫຼັງທະນາຄານ OCBC ຊື້ຫຸ້ນທະນາຄານນິງໂປ່ເມື່ອປີ 2006. ສັນຍາສະບັບໃໝ່ດັ່ງກ່າວລະບຸວ່າ, ບໍລິສັດ OCBC ຈະສະໜັບສະໜູນເຕັກນິກແລະການທຸລະກິດຕ່າງໆເຊັ່ນ: ການຄວບຄຸມຄວາມສ່ຽງ, ການກວດກາບັນຊີພາຍໃນ, ທະນາຄານຂາຍຍ່ອຍ, ທຸລະກິດທຶນ, ຊັບພະຍາກອນມະນຸດ, ບັດສິນເຊື່ອ ແລະເຕັກນິກ IT ເປັນຕົ້ນໃຫ້ແກ່ທະນາຄານນິງໂປ່.
ບໍລິສັດ OCBC ໄດ້ເຊັນສັນຍາຮ່ວມມືຍຸດທະສາດກັບທະນາຄານນິງໂປ່ໃນເດືອນມັງກອນປີ 2006 ໂດຍໄດ້ຊື້ຫຸ້ນ 12,2% ແລະກາຍເປັນຂາຫຸ້ນໃຫຍ່ອັນດັບສອງຂອງທະນາຄານນິງໂປ່. ຈາກນັ້ນ ກໍໄດ້ ຊື້ຫຸ້ນເພີ່ມອີກເຖິງສອງເທື່ອຄືເມື່ອປີ 2010 ແລະປີ 2014 ຈົນກາຍເປັນຜູ້ຖືຫຸ້ນເຖິງ 20%.