ວັນທີ 21 ສິງຫານີ້ ຢູ່ນະຄອນຫຼວງຈາກາຕາປະເທດອິນໂດເນເຊຍ, ສະຖານທູດຈີນປະຈຳອິນໂດເນເຊຍໄດ້ຈັດພິທີມອບໃບຮັບນັກສຶກສາໃຫ້ແກ່ນັກສຶກສາອິນໂດເນເຊຍທີ່ໄດ້ຮັບທຶນການສຶກສາຈາກລັດຖະບານຈີນສົກປີ 2017,ແລະຈັດພິທີນຳສົ່ງ.
ທ່ານ ຊຸ່ນເຫວີຍເຕີ ອຸປະທູດຊົ່ວຄາວຂອງສະຖານທູດຈີນປະຈຳອິນໂດເນເຊຍທີ່ເຂົ້າຮ່ວມພິທີໄດ້ກ່າວວ່າ: ພາຍໃຕ້ຂອບກົນໄກແລກປ່ຽນວັດທະນະທຳລະຫວ່າງຈີນກັບອິນໂດເນເຊຍ, ສອງປະເທດໄດ້ເຊັນ "ສັນຍາວ່າດ້ວຍການຮັບຮອງປະຫວັດການສຶກສາຊັ້ນສູງຂອງກັນແລະກັນລະຫວ່າງຈີນ-ອິນໂດເນເຊຍ"ເຊິ່ງສາມາດສ້າງເງື່ອນໄຂທີ່ດີກວ່າໃຫ້ແກ່ການແລກປ່ຽນນັກສຶກສາຂອງສອງປະເທດທັງສາມາດສ້າງອະນາຄົດທີ່ສົດໃສໃຫ້ແກ່ນັກສຶກສາຫຼັງຈົບມະຫາວິທະຍາໄລ. ປັດຈຸບັນ, ມີນັກສຶກສາອິນໂດເນເຊຍ 14.000 ກວ່າຄົນຮຽນຢູ່ຈີນ ແລະຈີນໄດ້ກາຍເປັນຈຸດໝາຍປາຍທາງການຮຽນຕໍ່ຢູ່ຕ່າງປະເທດແຫ່ງທີສອງຂອງນັກສຶກສາອິນໂດເນເຊຍ. ຂະນະດຽວກັນ,ໃນແຕ່ລະປີ ຈຳນວນນັກສຶກສາຈີນທີ່ໄປຮຽນຢູ່ອິນໂດເນເຊຍໄດ້ເພີ່ມຂຶ້ນແຕ່ລະປີ.
 |
