ທ່ານສາງວ້ານສວນ ທີ່ປຶກສາແຫ່ງລັດຈີນ ທັງເປັນລັດຖະມົນຕີກະຊວງປ້ອງກັນຊາດຈີນໄດ້ພົບປະກັບທ່ານສຸຣະພົງ ສຸວະນາ ຜູ້ບັນຊາການສູງສຸດກອງທັບໄທທີ່ນະຄອນຫຼວງປັກກິ່ງ ສປ ຈີນໃນວັນທີ 21 ສິງຫານີ້.
ທ່ານສາງວ້ານສວນກ່າວວ່າ, ຈີນແລະໄທເປັນບ້ານໃກ້ທີ່ສະໜິດສະໜົມກັນຄືຄວາມປາຖະໜາຮ່ວມຂອງປະຊາຊົນສອງຊາດ ເຊິ່ງໃນຫຼາຍປີມໍ່ໆມານີ້, ກອງທັບສອງປະເທດໄດ້ຮັກສາການຮ່ວມມືໃນຫຼາຍລະດັບແລະຫຼາຍຂົງເຂດ. ຂະນະດຽວກັນ, ຈີນກໍຍິນດີຮ່ວມກັບໄທເພີ່ມທະວີການປະສານງານທາງຍຸດທະສາດ, ລົງເລິກການຮ່ວມມືຕົວຈິງ, ຊຸກຍູ້ໃຫ້ການພົວພັນລະຫວ່າງສອງກອງທັບຂະຫຍາຍຕົວຢ່າງຕໍ່ເນື່ອງ ແລະຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນ ບົນພື້ນຖານແຫ່ງຜົນສຳເລັດທີ່ມີຢູ່ໃນປັດຈຸບັນ.
ທ່ານສຸຣະພົງກ່າວວ່າ, ໄທສຸມທຸກຄວາມພະຍາຍາມຮ່ວມກັບຈີນ ສືບຕໍ່ລົງເລິກຮ່ວມມືການຊ້ອມຮົບຮ່ວມ, ຝຶກຊ້ອມຮ່ວມ, ອຸປະກອນເຕັກນິກ, ການຝຶກອົບຮົມບຸກຄະລາກອນ, ຄວາມໝັ້ນຄົງຫຼາຍຝ່າຍ ແລະອື່ນໆ ເພື່ອຍົກລະດັບການຮ່ວມມືທາງການທະຫານລະຫວ່າງສອງຝ່າຍຢ່າງບໍ່ຢຸດຢັ້ງ.
 |
