ວັນທີ 23 ສິງຫານີ້, ການສູ້ຮົບທີ່ເກີດຂຶ້ນຢູ່ເມືອງມາລາວີພາກໃຕ້ຟີລິບປີນໄດ້ກ້າວເຂົ້າສູ່ເດືອນທີ 4 ແລ້ວ, ເຊິ່ງອົງການ "ຊ່ວຍເຫຼືອເດັກນ້ອຍ" ຟີລິບປີນເປີດເຜີຍໂດຍຜ່ານສູນຖະແຫຼງຂ່າວຂອງລັດຖະບານວ່າ, ການສູ້ຮົບທີ່ດຳເນີນເປັນເວລາ 3 ເດືອນໄດ້ເຮັດໃຫ້ນັກຮຽນຫຼາຍໝື່ນຄົນໃນເມືອງດັ່ງກ່າວຜະເຊີນກັບຄວາມຫຍຸ້ງຍາກແລະຂາດການຮຽນ, ລວມທັງບັ່ນທອນຈິດໃຈຂອງພວກເຂົາຕື່ມອີກ.
ອົງການດັ່ງກ່າວເປີດເຜີຍວ່າ, ເລີ່ມແຕ່ເກີດການສູ້ຮົບເມື່ອວັນທີ 23 ພຶດສະພາເປັນຕົ້ນມາ, ປະຊາຊົນຫຼາຍກວ່າ 3 ແສນ 5 ໝື່ນຄົນໄດ້ອົບພະຍົບຈາກມາລາວີ, ໃນນັ້ນີ້ມີນັກຮຽນ 6 ໝື່ນຄົນ. ອົງການດັ່ງກ່າວໄດ້ຕັ້ງຈຸດຮຽນຊົ່ວຄາວ 25 ຈຸດຢູ່ຫໍພັກຂອງນັກຮຽນ, ແລະໄດ້ຢາຍອຸປະກອນການ "ກັບຄືນສູ່ໂຮງຮຽນ" 3000 ຊຸດໃຫ້ແກ່ນັກຮຽນ, ຂະນະດຽວກັນຍັງໄດ້ຮ່ວມມືກັບກະຊວງສຶກສາທິການຟີລິບປີນ, ເພື່ອປົວແປງຈິດໃຈຂອງຄູອາຈານແລະນັກຮຽນຕື່ມອີກ.