ວັນທີ 24 ສິງຫານີ້, ກອງປະຊຸມໃຫຍ່ນ້ຳມັນເຂົ້າສາກົນຄັ້ງທີ 4 ຈັດຂຶ້ນຢູ່ນະຄອນຫຼວງບາງກອກ ປະເທດໄທ, ໂດຍຜູ່ຊ່ຽວຊານແລະນັກວິຊາການ 150 ກວ່າທ່ານຈາກ 20 ກວ່າປະເທດເຊັ່ນຈີນ, ໄທ, ຍີ່ປຸ່ນ, ອາເມລິກາ, ອິນເດຍເປັນຕົ້ນໄດ້ພິຈາລະນາການນຳໃຊ້ນ້ຳມັນເຂົ້າການຜະລິດຢາ, ເຄື່ອງສຳອາງ, ເຄື່ອງຮັກສາສຸຂະພາບແລະອາຫານ.
ຜູ້ຊ່ຽວຊານເຫັນວ່າ, ອາຊີແມ່ນເຂດທີ່ຜະລິດເຂົ້າສຳຄັນໃນໂລກ, ແລະຝັນເຂດທີ່ພັດທະນາຜະລິດຕະພັນເຂົ້າທີ່ມີມູນຄ່າສຳຄັນທາງເສດຖະກິດແລະສັງຄົມ ຢູ່ອາຊີ. ໃນຖານະອາຊີເປັນເຂດທີ່ບໍລິໂພກນ້ຳມັນຕົ້ນຕໍໃນໂລກ, ແລະເນື່ອງຈາກຂາດເຂີນເນື້ອທີ່ການຜະລິດ, ຈຶ່ງພົບບັນຫາການຂາດເຂີນນ້ຳມັນບໍລິໂພກໂດຍລວມ. ຈາກບັນຫາດັ່ງກ່າວ, ຜູ້ຕາງໜ້າຂອງອົງການອາຫານແລະກະສິກຳຂອງສະຫະປະຊາຊາດກ່າວວ່າ, ເຂົ້າມີປະລິມານນ້ຳມັນສູງ, ເຊິ່ງຖ້າພັດທະນານ້ຳມັນຈາກເຂົ້າກໍສາມາດຫຼຸດການນຳເຂົ້າວັດຖຸດິບໃນການຜະລິດນ້ຳມັນທັງບໍ່ສິ້ນເປືອງເນື້ອທີ່ການຜະລິດແລະເຮັດໃຫ້ລາຄານ້ຳມັນແລະອາຫານໝັ້ນທ່ຽງ, ທັງເປັນຜົນດີຕໍ່ການຍົກສູງຖານະຂອງອາຊີໃນຂົງເຂດອາຫານສາກົນ.
