ວັນທີ 23 ສິງຫານີ້, ທ່ານນາງລິວຢຽນຕຸ່ງ ຮອງນາຍົກລັດຖະມົນຕີຈີນໄດ້ເຂົ້າຢ້ຽມຄຳນັບສົມເດັດໂນໂຣດົມ ສີຫາໂມນີ ເຈົ້າຊີວິດກຳປູເຈຍແລະພະລາຊະຊົນນີ ໂນໂຣດົມ ໂມນີນຽດໃນໂອກາດເດີນທາງມາກວດພະຍາດຢ່າງປະຈຳຢູ່ຈີນ.
ທ່ານນາງລິວຢງຽນຕຸ່ງກ່າວວ່າ, ຈີນໃຫ້ຄວາມສຳຄັນສູງຕໍ່ການພົວພັນກັບກຳປູເຈຍແລະໄດ້ຕີລາຄາສູງຕໍ່ການປະກອບສ່ວນທີ່ສຳຄັນຂອງວົງສານຸວົງກຳປູເຈຍໃນການຊຸກຍູ້ການພົວພັນລະຫວ່າງສອງປະເທດຂະຫຍາຍຕົວໃນໄລຍະຍາວນານມານີ້ແລະໃນໂອກາດທີ່ຈີນແລະກຳປູເຈຍສ້າງສາຍພົວພັນການທູດຄົບຮອບ 60 ປີໃນປີໜ້າຈະຮ່ວມກັບກຳປູເຈຍຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານກ້າວຂຶ້ນສູ່ລະດັບໃໝ່ເພື່ອສ້າງຄວາມສຸກໃຫ້ປະຊາຊົນສອງປະເທດ.
ສົມເດັດສີຫາໂມນີກັບພະລາຊະຊົນນີ ໂມນີນຽດກ່າວ ຂອບໃຈຈີນທີ່ໄດ້ຊ່ອຍເຫຼືອແລະສະໜັບສະໜູນໃຫ້ການພັດທະນາກຳປູເຈຍ, ລະຫວັງຈະຮ່ວມມືກັບຈີນຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຢ່າງຮອບດ້ານແລະກ້າວສູ່ລວງເລິກ.
