ວັນທີ 25 ສິງຫານີ້ ເປັນ "ວັນປ້ອງກັນການພິການ" ວັນທຳອິດຂອງຈີນ ແລະໃນໂອກາດດັ່ງກ່າວ, ປີນີ້ ສະຫະພັນຄົນພິການຈີນໄດ້ຮ່ວມກັບຫຼາຍພາກສ່ວນໄດ້ເນັ້ນ "ຊຸກຍູ້ການປ້ອງກັນການພິການ ເພື່ອສ້າງຈີນມີພະລະນາໄມສົມບູນ" ເພື່ອປູກຈິດສຳນຶກໃຫ້ທົ່ວສັງຄົມຕ້ອງໄດ້ເພີ່ມສະຕິໃນການປ້ອງກັນການພິການ, ເລັ່ງພັດທະນາພາລະກິດດັ່ງກ່າວ ແລະຫຼຸດ "ການສູນເສຍດ້ານຊີວິດ".
ຫຼາຍປີມໍ່ໆມານີ້, ຈີນປະສົບຜົນສຳເລັດໃນການປ້ອງກັນການພິການຢ່າງພົ້ນເດັ່ນ, ແຕ່ກໍຍັງປະເຊີນສິ່ງທ້າທາຍຫຼາຍປະການ ເຊັ່ນ: ບໍ່ໄດ້ກວດກາແມ່ຍິງກ່ອນຖືພາ ແລະເກີດລູກຢ່າງເຕັມສ່ວນ, ພະຍາດຈິດໃຈເກີດຂຶ້ນຫຼາຍ, ຫຼາຍປັດໄຈພາໃຫ້ເປັນພິການ ເຊິ່ງເຮັດໃຫ້ປະຊາຊົນຈີນເປັນພິການເພີ່ມຂຶ້ນເກືອບ 2 ລ້ານຄົນຕໍ່ປີ.
ປັດຈຸບັນ, ເປົ້າໝາຍທາງການແພດເພື່ອພະລະນາໄມສົມບູນຢູ່ຈີນໄດ້ເກີດການປ່ຽນແປງຢ່າງເລິກເຊິ່ງ ເຊັ່ນ ຈາກການຖືເອົາການປິ່ນປົວເປັນໃຈກາງມາເນັ້ນໃສ່ການຖືເອົາການຟື້ນຟູສຸຂະພາບເປັນໃຈກາງແລະອື່ນໆ. ຜູ້ຊ່ຽວຊານອົງການອະນາໄມໂລກທີ່ມີຊື່ສຽງເຫັນວ່າ, ການນຳໃຊ້ເຕັກນິກທີ່ມີຢູ່ໃນປັດຈຸບັນໃຫ້ດີ ຈະສາມາດຄວບຄຸມ ຫຼືແກ່ຍາວເວລາທີ່ຈະເປັນພິການຢ່າງໜ້ອຍ 50%.
 |
