ໂດຍຕອບສະໜອງຕາມຄຳເຊີນຂອງສະຫະພັນວົງການຕ່າງໆຂອງຊາວຈີນທີ່ຢູ່ຟິລິບປິນ, ບັນດາຊ່ຽວຊານຂອງຄະນະຢ້ຽມຢາມແພດພື້ນເມືອງຈີນທີ່ມີຊື່ສຽງທີ່ຈັດຕັ້ງໂດຍເວທີປຶກສາຫາລືສາກົນກ່ຽວກັບການຜົນສະທ້ອນຂອງແພດພື້ນເມືອງຈີນ ໄດ້ເລິ່ມດຳເນີນການປິ່ນປົວພະຍາດໂດຍບໍ່ເກັບຄ່າເປັນເວລາ 3 ມື້ຢູ່ສະຫະພັນວົງການຕ່າງໆຊາວຈີນທີ່ຢູ່ຟິລິບປິນ ເຊິ່ງຕັ້ງຢູ່ຊຸມຊົນຊາວຈີນນະຄອນຫຼວງມານີລາປະເທດຟິລິບປິນ. ໃນມື້ທຳອິດມີປະຊາຊົນທ້ອງຖິ່ນ 500 ກວ່າຄົນໄດ້ຮັບການປິ່ນປົວ.
ຂ່າວແຈ້ງວ່າ, ຟິລິບປິນແມ່ນແຫ່ງທຳອິດຂອງຄະນະຢ້້ຽມຢາມດັ່ງກ່າວ, ໂດຍຜ່ານກິດຈະກຳຕ່າງໆ ເຊັ່ນ, ການປິ່ນປົວພະຍາດໂດຍບໍ່ເກັບຄ່າງານສົນທະນາ ແລະ ໃຫ້ຄຳປຶກສາເປັນຕົ້ນບັນດາຊ່ຽວຊານພື້ນເມືອງຈີນ, ຈະສາມາດແກ້ໄຂບັນຫາຕ່າງໆໃຫ້ແກ່ຜູ້ເປັນພະຍາດໄດ້. ນອກນີ້, ຊ່ຽວຊານຍັງໄດ້ເຜີຍແຜ່ຄວາມຮູ້ພື້ນຖານກ່ຽວກັບການຮັກສາສຸຂະພາບ, ເຜີຍແຜ່ທິດສະດີວິທະຍາສາດ ແລະ ວິທີບຳລຸງຮ່າງກາຍດ້ວຍຢາພື້ນເມືອງຈີນໃຫ້ແກ່ຊາວຈີນຕ່າງດ້າວ, ເຮັດໃຫ້ເຂົາເຈົ້າເຂົ້າໃຈກ່ຽວກັບການພັດທະນາທາງການແພດສາດ ແລະ ຢາພື້ນເມືອງຈີນຫຼາຍຂຶ້ນ ແລະ ຍົກສູງຄວາມສາມາດໃນການຮັກສາສຸຂະພາບແລະບຳລຸງຮ່າງກາຍດ້ວຍຕົນເອງ.