ສານພິເສດອົງການສືບສວນສູນກາງອິນເດຍຈະຕັດສິນລົງໂທດທ້າວ ກູເອີມິດ ຣຳ ຣາຮິມ ຊີງ ຫົວໜ້າກຸ່ມສາສະໜາໃນວັນທີ 28 ສິງຫານີ້, ຂະນະທີ່ເພື່ອປ້ອງກັນບໍ່ໃຫ້ເກີດເຫດຈະລາຈົນອີກຄັ້ງໃໝ່, ກຳລັງທະຫານຕຳຫຼວດຈຳນວນຫຼາຍໄດ້ເດີນທາງໄປປະຈຳການຢູ່ເຂດສຳຄັນຕ່າງໆເຊັ່ນປານເຈຄູລາ,ຊີຊາ ເຊິ່ງເປັນເຂດເກີດເຫດຈະລາຈົນຮຸນແຮງພ້ອມດ້ວຍໂຣຕັກທີ່ມີຄຸກຊົ່ວຄາວຕັ້ງຢູ່ຫັ້ນແລະເຂດອື່ນໆ ທັງໄດ້ເພີ່ມກຳລັງປ້ອງກັນຄວາມສະຫງົບຕື່ມອີກ.
ສານພິເສດອົງການສືບສວນສູນກາງອິນເດຍໄດ້ປະກາດຄຳຕັດສິນໃນວັນທີ 25 ສິງຫານີ້ດ້ວຍການຕັດອິດສະຫຼະພາບທ້າວຊີງ 7 ປີໃນຂໍ້ຫາຂົ່ມຂືນແມ່ຍິງສອງຄົນທີ່ນັບຖືສາສະໜາ ເຊິ່ງເປັນເຫດສົ່ງຜົນໃຫ້ຜູ້ນັບຖືສາສະໜາເປັນຈຳນວນຫຼາຍຂອງທ້າວຊີງເກີດຄວາມບໍ່ພໍໃຈຕໍ່ຄຳຕິດສິນດັ່ງກ່າວຈິ່ງຈູດລົດ,ສະຖານີລົດໄຟ,ສິ່ງກໍ່ສ້າງສາທາລະນະ, ທຳລາຍຊັບສິນສາທາລະນະທັງປະທະກັບເຈົ້າໜ້າທີ່ຕຳຫຼວດ,ທະຫານທີ່ຮັກສາຄວາມເປັນລະບຽບຮຽບຮ້ອຍຢ່າງຮຸນແຮງ. ເຫດການຈະລາຈົນເກີດຂຶ້ນຢູ່ລັດຮາຣິຢານາ,ລັດປຸນຈາບ ຕໍ່ມາໄດ້ຂະຫຍາຍໄປເຖິງນະຄອນຫຼວງນິວແດນລີ ເປັນເຫດເຮັດໃຫ້ຢ່າງໜ້ອຍມີຜູ້ເສຍຊີວິດ 36 ຄົນ, ຫຼາຍຮ້ອຍຄົນບາດເຈັບ.
 |
