ຕອນບ່າຍວັນທີ 28 ສິງຫານີ້, ການເຈລະຈາກ່ຽວກັບການຖອນອອກຈາກສະຫະພາບເອີຣົບຂອງອັງກິດເທື່ອທີ 3 ລະຫວ່າງສະຫະພາບເອີຣົບ-ອັງກິດໄດ້ຈັດຂຶ້ນຢູ່ສຳນັກງານໃຫຍ່ສະຫະພາບເອີຣົບໃນບຣຸກແຊນ ໂດຍສອງຝ່າຍຈະສືບຕໍ່ຫາລືບັນຫາການເສຍຄ່າທຳນຽມ, ສິດຂອງພົນລະເມືອງສະຫະພາບເອີຣົບກໍຄືການກຳນົດເສັ້ນຊາຍແດນອຽກລັງເໜືອ.
ການເຈລະຈາເທື່ອນີ້ຈະດຳເນີນເປັນເວລາ 4 ວັນ. ແລະກ່ອນເຈລະຈາຢ່າງເປັນທາງການ, ທ່ານ ມາຍໂຄ ບາເນຍ ຜູ້ຕາງໜ້າການເຈລະຈາຜູ້ທີໜຶ່ງໄດ້ຖະແຫຼງຂ່າວໂດຍເນັ້ນອີກເທື່ອໜຶ່ງວ່າການແກ້ໄຂບັນຫາດັ່ງກ່າວຍັງມີເວລາບໍ່ຫຼາຍແລ້ວ. ແລະລັດຖະບານອັງກິດໄດ້ເປີດເຜີຍເອກະສານການແຈ້ງເຈດຈຳນົງຖອນອອກຈາກສະຫະພາບເອີຣົບຈຳນວນໜຶ່ງໃນເດືອນນີ້,ສະຫະພາບເອີຣົບສະແດງຄວາມຊົມເຊີຍ ແລະໄດ້ຄົ້ນຄວ້າເອກະສານເຫຼົ່ານີ້ຢ່າງລະອຽດ. ແນວໃດກໍດີທ່ານໄດ້ເນັ້ນໃນເວລາດຽວກັນວ່າ: ສອງຝ່າຍຄວນເຈລະຈາເທື່ອໃໝ່ນີ້ຢ່າງຈິງຈັງແລະສະຫະພາບເອີຣົບກໍຫວັງວ່າລັດຖະບານອັງກິດຈະສາມາດແກ້ໄຂບາງເນື້ອໃນທີ່ບໍ່ຈະແຈ້ງຂອງຕົນໂດຍໄວ.
 |
