ເຈົ້າໜ້າທີ່ທະຫານຟີລິບປີນອອກຖະແຫຼງການໃນວັນທີ 28 ສິງຫານີ້ວ່າ, ທະຫານໄດ້ພົບກຸ່ມປະກອບອາວຸດຕໍ່ຕ້ານລັດຖະບານທີ່ຢາກເຂົ້າເມືອງມະລາວີຈາກທາງນ້ຳ, ແລະໄດ້ສະກັດກັ້ນເຈຕະນາຂອງພວກເຂົາແລ້ວ.
ຖະແຫຼງການລະບຸວ່າ, ຫຼັງໄດ້ຂ່າວຈາກປະຊາຊົນທ້ອງຖິ່ນທີ່ແຈ້ງນັ້ນ, ທະຫານໄດ້ເພີ່ມກຳລັງລາດຕະເວນຢູ່ໜອງຣະນາວທາງພາກໃຕ້ເມືອງມາລາວີ, ແລະໄດ້ພົບເຫັນກຸ່ມປະກອບອາວຸດຫຼາຍຄົນຂີ່ເຮືອສອງລຳມຸ່ງໜ້າຕົວເມືອງ, ຈາກນັ້ນກໍໄດ້ສູ້ຮົບກັນ. ຫຼັງສູ້ຮົບເປັນເວລາ 3 ຊົ່ວໂມງ, ທະຫານລັດຖະບານສາມາດດັບສູນຜູ້ປະກອບອາວຸດ, ໂດຍເຫັນໄດ້ໃນເຮືອໜຶ່ງລຳທີ່ຍຶດໄດ້ພົບເຫັນ 5 ສົບແລະປືນໜຶ່ງກະບອກ, ຂະນະທີ່ອີກລຳໜຶ່ງຈົມໃນຂະນະຫຼົບໜີແລະຢ່າງໜ້ອຍມີ 5 ຄົນເສຍຊີວິດ.