ທ່ານຫຼີຕ້ຽນຜິງ ປະທານສະມາຄົມການຄ້າປັດໄຈການຜະລິດກະສິກຳຈີນ-ອາຊຽນ ຫຼື CACAC ກ່າວໃນວັນທີ 29 ສິງຫານີ້ວ່າ: ປີ 2016, ຝຸ່ນເຄມີທີ່ຈີນສົ່ງໄປອາຊຽນແລະອິນເດຍກວມເຖິງ 52,24%. ຈາກນີ້ຈຶ່ງເຫັນວ່າ, ຕະຫຼາດອາຊີຕາເວັນອອກສຽງໃຕ້ ພວມກາຍເປັນຈຸດເຕີບໂຕສຳຄັນ ໃນການລົງທຶນແລະຮ່ວມມືໃນຂົງເຂດເສດຖະກິດການຄ້າກະສິກຳ ຂອງຈີນກັບຕ່າງປະເທດ.
ທ່ານຫຼີຕ້ຽນຜິງ ໄດ້ໃຫ້ທັດສະນະດັ່ງກ່າວ ໃນພິທີຖະແຫຼງຂ່າວ "ເວທີປຶກສາຫາລືສຸດຍອດຂະແໜງການປັດໄຈການຜນະລິດກະສິກຳຈີນ-ອາຊຽນ" ທີ່ຈັດຂຶ້ນໃນວັນດຽວກັນ ແລະໄດ້ກ່າວຕື່ມວ່າ: ເວທີປຶກສາຫາລືນີ້ແມ່ນກອງປະຊຸມວິຊາສະເພາະດ້ານກະສິກຳແລະປັດໄຈການຜະລິດກະສິກຳໃນຂອບງານວາງສະແດງສິນຄ້າຈີນ-ອາຊຽນ ເຊິ່ງປະສົບຜົນສຳເລັດມາແລ້ວ 2 ຄັ້ງນັບແຕ່ປີ 2015 ເປັນຕົ້ນມາ ແລະໄດ້ສ້າງຫຼາຍເວທີແລກປ່ຽນແລະຮ່ວມມືລະຫວ່າງຈີນແລະອາຊຽນພ້ອມດ້ວຍປະເທດອື່ນໆ ລວມທັງເວທີປັດໄຈການຜະລິດກະສິກຳ, ກະສິກຳ, ເສດຖະກິດການຄ້າ, ເຕັກໂນໂລຊີຂໍ້ມູນຂ່າວສານ ແລະອື່ນໆ.
ປັດຈຸບັນ, ສະຖານທູດ ແລະ ສະຖານກົງສຸນປະຈຳຈີນ, ອົງການລັດຖະບານ, ສະມາຄົມການຄ້າ ແລະ ວິສາຫະກິດຂອງປະເທດໃນອາຊຽນ ເປັນຕົ້ນ ລາວ, ໄທ, ຫວຽດນາມ ແລະ ມຽນມາ ຕ່າງກໍຢືນຢັນວ່າຈະສົ່ງຄະນະຜູ້ແທນເຂົ້າຮ່ວມເວທີປຶກສາຫາລືດັ່ງກ່າວ ເຊິ່ງຈະຈັດຂຶ້ນຢູ່ເມືອງໜານໜິງ ສປ ຈີນໃນທ້າຍເດືອນກັນຍາໜ້ານີ້.