ທ່ານ ອານໂຕນີໂອ ກູເຕີຣິສ໌ ເລຂາທິການໃຫຍ່ອົງການສະຫະປະຊາຊາດໄດ້ເນັ້ນຢູ່ເມືອງຣາມາລາຮ໌ແຄມຝັ່ງຕາເວັນຕົກແມ່ນ້ຳຈໍແດນໃນວັນທີ 29 ສິງຫານີ້ວ່າ: ການສ້າງຈຸດຕັ້ງຖິ່ນຖານຊາວຢີວຢູ່ປາແສັລຕິນ ເປັນການສ້າງອຸປະສັກໃຫ້ແກ່ການບັນລຸແຜນການສ້າງສອງປະເທດເພື່ອສັນຕິພາບລະຫວ່າງປາແລັສຕິນ-ອິສຣາແອນ.
ໃນມື້ດັ່ງກ່າວ, ທ່ານ ກູເຕີຣິສ໌ ເນັ້ນໃນການຖະແຫຼງຂ່າວຮ່ວມຫຼັງພົບປະເຈລະຈາກັບທ່ານ ຣາມີ ໂອ ຮຳດາລາ ນາຍົກລັດຖະມົນຕີປາແສັລຕິນວ່າ: ອົງການສະຫະປະຊາຊາດກໍຄືຕົນໄດ້ໃຫ້ຄຳໝັ້ນສັນຍາຈະຊຸກຍູ້ການປະຕິບັດແຜນການສ້າງສອງປະເທດຢ່າງຮອບດ້ານ ແຕ່ຜູ້ນຳປາແລັສຕິນແລະອິສຣາແອນຄວນສຸມທຸກຄວາມພະຍາຍາມສ້າງສະພາບແວດລ້ອມທີ່ດີ ແລະຫຼີກເວັ້ນການເປັນປໍລະປັກກັນ,ພ້ອມທັງຄວນຟື້ນຟູຄວາມໄວ້ເນື້ອເຊື່ອໃຈກັນ,ສະແຫວງຫາທາງອອກຂອງການປະຕິບັດແຜນການສ້າງສອງປະເທດ ເພື່ອສ້າງເງື່ອນໄຂໃຫ້ແກ່ການປັບປຸງເງື່ອນໄຂການດຳລົງຊີວິດຂອງປະຊາຊົນປາແລັສຕິນໃຫ້ດີຂຶ້ນ.
ຂະນະດຽວກັນ,ທ່ານ ກູເຕີຣິສ໌ ໄດ້ສະແດງຄວາມເປັນຫ່ວງຕໍ່ວິກິດການມະນຸດສະທຳຢູ່ເຂດກາຊາ ທັງເນັ້ນວ່າອົງການສະຫະປະຊາຊາດຈະສືບຕໍ່ສະໜັບສະໜູນການເຄື່ອນໄຫວແລະໂຄງການສ້າງສຳນັກໂຄງການຊ່ວຍເຫຼືອເຂດແຄມຝັ່ງຕາເວັນອອກໃກ້ຢູ່ເຂດກາຊາຄືນໃໝ່.