ວັນທີ 30 ສິງຫານີ້, ທ່ານ ອານໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດເນັ້ນຢູ່ເຂດກາຊາວ່າ: ເຂດກາຊາເປັນສ່ວນໜຶ່ງທີ່ບໍ່ສາມາດແບ່ງຈາກປາແລັສຕິນໄດ້ ແລະຈາກນີ້ຈຶ່ງຮຽກຮ້ອງໃຫ້ປະຊາຊົນປາແລັສຕິນຄວນສາມັກຄີປອງດອງກັນ.
ຂະນະດຽວກັນ, ທ່ານຍັງໄດ້ຮຽກຮ້ອງໃຫ້ກຳຈັດອຸປະສັກໃນການປະຕິບັດແຜນການສ້າງສອງປະເທດ ເພື່ອບັນລຸເປົ້າໝາຍສ້າງປາແລັສຕິນເປັນປະເທດເອກະລາດ. ພ້ອມທັງຫວັງວ່າຈະເຫັນປະເທດປາແລັສຕິນແລະອິສຣາແອນມີສັນຕິພາບແລະຄວາມໝັ້ນຄົງ ແລະຈະມາຢາມເຂດກາຊາອີກເທື່ອໜຶ່ງ."
ຂ່າວແຈ້ງວ່າ: ທ່ານ ກູເຕີເຣັສ ໄດ້ເດີນທາງຢ້ຽມຢາມອິສຣາແອນໃນວັນທີ 28 ສິງຫານີ້ ແລະໄດ້ເດີນທາງໄປເມືອງຣາມາລາຮ໌ທີ່ເປັນເມືອງແຄມຝັ່ງແມ່ນ້ຳຈໍແດນໃນວັນທີ 29 ເດືອນດຽວກັນ ເພື່ອພົບປະກັບທ່ານ ຣາມີ ອານ ຮຳດາລາຮ໌ ນາຍົກລັດຖະມົນຕີປາແລັສຕິນ. ນີ້ແມ່ນການຢ້ຽມຢາມປາແລັສຕິນແລະອິສຣາແອນຄັ້ງທຳອິດນັບແຕ່ທ່ານດຳລົງຕຳແໜ່ງເລຂາທິການໃຫຍ່ອົງການສະຫະປະຊາຊາດໃນເດືອນມັງກອນປີນີ້ເປັນຕົ້ນມາ.