ທ່ານຕົງຢາງ ຮອງປະທານປະຈຳການສະມາຄົມອຸດສາຫະກຳລົດຈີນ ຢືນຢັນວ່າ: ໃນ 2 ປີຜ່ານມາ, ການຫັນມານຳໃຊ້ພະລັງງານໄຟຟ້າຂອງອຸດສາຫະກຳລົດຈີນມີຈັງຫວະໄວຂຶ້ນ ໂດຍມາຮອດປັດຈຸບັນ, ຈີນຜະລິດແລະຈຳໜ່າຍລົດຍົນທີ່ນຳໃຊ້ພະລັງງານໃໝ່ ໄດ້ລື່ນ 1 ລ້ານຄັນແລ້ວ ເຊິ່ງເພີ່ມຂຶ້ນໂດຍສະເລ່ຍກວ່າ 200% ຕໍ່ປີ, ຂະນະທີ່ໃນປີ 2016, ການຜະລິດ, ຈຳໜ່າຍ ແລະ ນຳໃຊ້ລົດປະເພດດັ່ງກ່າວໄດ້ກວມອັດຕາສ່ວນຂອງໂລກກວ່າ 50%.
ທ່ານຕົງຢາງ ກ່າວໃນກອງປະຊຸມຂອງສະມາຄົມອຸດສາຫະກຳລົດຈີນເມື່ອບໍ່ດົນມານີ້ອີກວ່າ: ປັດຈຸບັນ, ຈີນໄດ້ສ້າງລະບົບອຸດສາຫະກຳລົດນຳໃຊ້ພະລັງງານໃໝ່ຂຶ້ນໂດຍພື້ນຖານແລ້ວ ໂດຍຖ່ານໄຟຟ້າສະໜອງພະລັງດັນ, ເຄື່ອງຂັບເຄື່ອນ ແລະ ລົດທັງຄັນ ໄດ້ສ້າງເປັນຕາໜ່າງການຜະລິດແບບຄົບວົງຈອນ. ຂະນະທີ່ໃນປີ 2016, ມີບໍລິສັດຜະລິດລົດທັງຄັນ 3 ແຫ່ງ ແລະ ບໍລິສັດຜະລິດຖ່ານໄຟຟ້າ 7 ແຫ່ງ ໄດ້ຕິດອັນດັບແຕ່ທີ 1 ຫາ 10 ຂອງໂລກ. ນອກນີ້, ບາງບໍລິສັດໄດ້ກາຍເປັນຜູ້ສະໜອງທີ່ມີຊື່ສຽງໃນໂລກ; ປະລິມານການຜະລິດຖ່ານໄຟຟ້າສະໜອງພະລັງດັນ ໄດ້ກວມໂກຕາຕະຫຼາດໂລກກວ່າ 70% ; ຖ່ານໄຟຟ້າສະໜອງພະລັງດັນຄົບຊຸດທີ່ຈີນຜະລິດກໍຖືກບາງວິສາຫະກິດນຳໄປປະຍຸກໃຊ້.
