ກ່ອນໜ້ານີ້, ໄທໄດ້ຍົກເວັ້ນ ແລະ ຫຼຸດຄ່າວີຊາກັບດ່ານລົງເຄິ່ງໜຶ່ງ ສຳລັບຈີນແລະປະເທດອື່ນໆ ໂດຍມາເຖິງວັນທີ 31 ສິງຫາຜ່ານມາ ກໍໝົດກະນົດແລ້ວ ແລະນັບແຕ່ວັນທີ 1 ກັນຍານີ້ເປັນຕົ້ນໄປ ກໍຈະເກັບຄືເກົ່າ ຄື ຄ່າວີຊາ 1.000 ບາດ ແລະ ຄ່າວີຊາກັບດ່ານ 2.000 ບາດ.
ແຕ່ກ່ອນ, ຄ່າວີຊາ ແລະ ຄ່າວີຊາກັບດ່ານຂອງໄທເສຍໃນລະດັບດຽວກັນ ຄື 1.000, ບາດ ແຕ່ເພື່ອສົ່ງເສີມໃຫ້ນັກທ່ອງທ່ຽວຕ່າງປະເທດໄປຂໍວີຊາກ່ອນແລ້ວຄ່ອຍເຂົ້າເມືອງ, ໄທຈຶ່ງໄດ້ປັບຄ່າວີຊາກັບດ່ານຂຶ້ນເປັນ 2.000 ບາດນັບແຕ່ວັນທີ 27 ກັນຍາປີ 2016 ເປັນຕົ້ນມາ ແລະເມື່ອເຫັນວ່າ, ນັກທ່ອງທ່ຽວຕ່າງປະເທດໄປທ່ຽວເມືອງໄທໜ້ອຍລົງເນື່ອງຈາກປັດໄຈຕ່າງໆ ຈຶ່ງໄດ້ປະຕິບັດນະໂຍບາຍຫຼຸດຄ່າວີຊາໃຫ້ຫຼາຍປະເທດແຕ່ເດືອນທັນວາປີ 2016 ຫາເດືອນກຸມພາປີນີ້ ໂດຍນັກທ່ອງທ່ຽວຂໍວີຊາໄປທ່ຽວໄທນັ້ນບໍ່ຕ້ອງເສຍຄ່າວີຊາເລີຍ ແລະ ຄ່າວີຊາກັບດ່ານກໍຫຼຸດລົງເປັນ 1.000 ບາດ ແລະນະໂຍບາຍດັ່ງກ່າວໄດ້ແກ່ຍາວມາຈົນເຖິງວັນທີ 31 ສິງຫາຜ່ານມາ.
ຂ່າວລາຍງານຕື່ມວ່າ: ກະຊວງທ່ອງທ່ຽວ ແລະ ກິລາໄທເປີດເຜີຍວ່າ: ນັກທ່ອງທ່ຽວແຜ່ນດິນໃຫຍ່ຈີນທີ່ມາທ່ຽວປະເທດຕົນໃນ 7 ເດືອນທຳອິດຂອງປີນີ້ບັນລຸເຖິງ 5 ລ້ານ 6 ແສນ 4 ໝື່ນກວ່າເທື່ອຄົນ ແລະສາມາດສ້າງລາຍຮັບໃຫ້ຂະແໜງການທ່ອງທ່ຽວ 290 ຕື້ 431 ລ້ານບາດ ກວມຍອດລາຍຮັບຈາກນັກທ່ອງທ່ຽວຕ່າງປະເທດເກືອບ 30%.