ພັກກອມ​ມູ​ນິດ​ຈີນ​ກຽມ​ດຳ​ເນີນກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ 19
2017-09-01 11:09:02  cri 
ວັນ​ທີ 31 ສິງ​ຫາ​ຜ່ານ​ມາ, ກົມ​ການ​ເມືອງ​ສູນ​ກາງ​ພັກ​ກອມ​ມູ​ນິດ​ຈີນ​ໄດ້​ຄົ້ນ​ຄວ້າ​ປຶກ​ສາ​ຫາ​ລື​ກະ​ກຽມ​ດຳ​ເນີນກອງ​ປະ​ຊຸມ​ຄົບ​ຄະ​ນະ​ກຳ​ມ​ການ​ສູນ​ກາງ​ພັກ​ຄັ້ງ​ທີ 7 ຊຸດ​ທີ 18 ແລະ​ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ 19 ຂອງ​ພັກ​ກອມ​ມູ​ນິດ​ຈີນ. ໂດຍ​ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ​ສີ​ຈິ້ນ​ຜີງ ເລ​ຂາ​ທິ​ການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນ.

ກອ​ງ​ປະ​ຊຸມ​ໄດ້​ຕົກ​ລົງ​ຈັດ​ກອງ​ປະ​ຊຸມ​ຄະ​ນະ​ກຳ​ມະ​ການສູນ​ກາງ​ພັກ​ຄັ້ງ​ທີ 7 ຊຸດ​ທີ 18 ຢູ່​ນະ​ຄອນ​ຫຼວງ​ປັກ​ກິ່ງ​ໃນ​ວັນ​ທີ 11 ຕຸ​ລາ, ໂດຍ​ໃນ​ກອງ​ປະ​ຊຸມ​ດັ່ງ​ກ່າວ, ກົມ​ການ​ເມືອງ​ສູນ​ກາງ​ພັກ​ຈະ​ສະ​ເໜີ​ໃຫ້​ດຳ​ເນີນກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຂອງ​ພັກ​ກອມ​ມູ​ນິດ​ຈີນ​ຄັ້ງ​ທີ 19 ໃນ​ວັນ​ທີ 18 ຕຸ​ລາ​ຢູ່​ປັກ​ກິ່ງ.

ກອງ​ປະ​ຊຸມ​ດັ່ງ​ກ່າວ​ເນັ້ນ​ວ່າ, ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຂອງ​ພັກ​ກອມ​ມູ​ນິດ​ຈີນ​ຄັ້ງ​ທີ 19 ແມ່ນກອງ​ປະ​ຊຸມ​ສຳ​ຄັນ​ທີ່​ສຸດ​ທີ່​ຈັດ​ຂຶ້ນ​ໃນ​ໄລ​ຍະ​ການ​ສ້າງ​ສັງ​ຄົມ​ອີ່ມ​ໜຳ​ສຳ​ລານ​ສຳ​ເລັດ​ຮອບ​ດ້ານ​ທັງ​ເປັນ​ໄລ​ຍະ​ສຳ​ຄັນ​ຂອງ​ສ້າງ​ສັງ​ຄົມ​ນິ​ຍົມ​ທີ່​ມີ​ສີ​ສັນ​ພິ​ເສດ​ຂອງ​ຈີນ. ນອກ​ນີ້, ກອງ​ປະ​ຊຸມ​ຄັ້ງ​ນີ້​ຈະ​ເລືອກ​ຕັ້ງ​ຄະ​ນະ​ກຳ​ມະ​ການ​ສູນ​ກາງ​ພັກ​ແລະ​ຄະ​ນະ​ກຳ​ມະ​ການກວດ​ກາ​ພັກ​ຊຸດ​ໃໝ່.

ກອງ​ປະ​ຊຸມ​ຍີ້​ວ່າ, ປັດ​ຈຸ​ບັນ​ການ​ກະ​ກຽມ​ຕ່າງໆ​ພວມ​ດຳ​ເນີນ​ເປັນ​ຢ່າງ​ດີ, ແລະ​ທຸກ​ພາກ​ສ່ວນ​ໄດ້​ສຸມ​ໃສ່ປະ​ຕິ​ບັດ​ວຽກ​ງານ​ດັ່ງ​ກ່າວ​ຢ່າງ​ຈິງ​ຈັງ, ເພື່ອ​ຮັບ​ປະ​ກັນ​ເຮັດ​ໃຫ້​ກອງ​ປະ​ຊຸມ​ປະ​ສົບ​ຜົນ​ສຳ​ເລັດ​ຕາມ​ລະ​ດັບ​ຄາດ​ໝາຍ​ທີ່​ວາງ​ໄວ້.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ