ຕາມຂ່າວCRI：ວັນທີ 1 ກັນຍານີ້, ທ່ານນາງຮວ້າຊຸນຢີງ, ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວວ່າ, ໃນຖະນະເປັນປະເທດປະທານໝູນວຽນຂອງບຣິກສ, ຈີນຍິນດີພະຍາຍາມຮ່ວມກັນກັບປະເທດສະມາຊິກອື່ນ, ເຮັດໃຫ້ການຮ່ວມມືລະຫວ່າງປະເທດບຣິກສໄດ້ຮັບການພັດທະນາຢ່າງໃຫຍ່ກວ່າເກົ່າ, ໜັກແໜ້ນກວ່າເກົ່າແລະເຂັ້ມແຂງກວ່າເກົ່າ, ສ້າງພື້ນຖານອັນໝັ້ນແກ່ນກວ່າເກົ່າເພື່ອລົງເລິກການພົວພັນຄູ່ຮ່ວມມືບຣິກສແລະເລີ່ມຕົ້ນສິບປີທອງຄຳທີ 2 ດ້ານການຮ່ວມມືລະຫວ່າງປະເທດບຣິກສ.
ທ່ານນາງຮວ້າຊຸນຢີງກ່າວວ່າ, ການພົບປະຢູ່ນະຄອນເຊ້ຍເມີນລະຫວ່າງຜູ້ນຳຂອງປະເທດບຣິກສໃກ້ຈະໄຂຂຶ້ນໃນວັນອາທິດນີ້. ມີຜູ້ນຳປະເທດທີ່ຈະເດີນທາງມາເຂົ້າຮ່ວມການພົບປະຫຼາຍທ່ານໄດ້ກ່າວຄວາມ
ຄອງຄອຍຕໍ່ການເດີນທາງມາເຂົ້າຮ່ວມການພົບປະຢູ່ນະຄອນເຊ້ຍເມີນ. ຫວ່າງມໍ່ໆນີ້, ທ່ານວາລາດີເມຍ ປູຕິນ,ປະທານາທິບໍດີຣັດເຊຍໄດ້ພິມບົດຄວາມຢູ່ໜັງສືພິມ "ຢືນໝິນຢື້ປ້າວ"ຊີ້ອອກວ່າ, ການຮ່ວມມືລະຫວ່າງປະເທດບຣິກສແມ່ນບົນພື້ນຖານທີ່ສະເໝີພາບ, ເຄົາລົບນັບຖືເຊິ່ງກັນແລະກັນ, ຣັດເຊຍເອົາໃຈໃສ່ນຳການຮ່ວມມືທີ່ມີລັກສະນະສ້າງສັນລະຫວ່າງ 5 ປະເທດບຣິກສໃນລະດັບສູງ, ເຊື່ອວ່າການພົບປະຢູ່ນະຄອນເຊ້ຍເມີນຈະເຮັດໃຫ້ການປະສານງານລະຫວ່າງປະເທດ ບຣິກສກ້າວເຂົ້າສູ່ລະດັບໃໝ່.
ທ່ານນາງຮວ້າຊຸນຢີງກ່າວວ່າ, ຢູ່ເບື້ອງຫຼັງທີ່ສະຖານະການສາກົນມີການປ່ຽນແປງຢ່າງສັບສົນໃນປັດຈຸບັນນີ້, ປະເທດບຣິກສເປັນຕົວແທນຂອງຕະຫຼາດຈະເລີນໃໝ່ແລະປະເທດທີ່ກຳລັງພັດທະນາ, ມີຄວາມຮັບຜິດຊອບແລະຄວາມສາມາດໃນການເສີມຂະຫຍາຍບົດບາດຢ່າງຕັ້ງໜ້າແລະລັກສະນະສ້າງສັນເພື່ອຮັບມືກັບການທ້າທາຍຕ່າງໆໃນທົ່ວໂລກ. ໃນຖານະເປັນປະເທດໝູນວຽນຂອງບຣິກສ, ຈີນຍິນດີພະຍາຍາມຮ່ວມກັນກັບປະເທດສະມາຊິກອື່ນ ເຮັດໃຫ້ການຮ່ວມມືລະຫວ່າງປະເທດບຣິກສໄດ້ຮັບການພັດທະນາຢ່າງໃຫຍ່ກວ່າເກົ່າ, ປະສົບເປັນຈິງແລະເຂັ້ມແຂງກວ່າເກົ່າ.
ໃນຂະບວນການກະກຽມການພົບປະຢູ່ນະຄອນເຊ້ຍເມີນ, ຈີນກັບປະເທດບຣິກສອື່ນໆໄດ້ຮັກສາການແລກປ່ຽນປະສານງານຢ່າງແໜ້ແຟ້ນ. ຈີນຄອງຄອຍຢູ່ຮ່ວມກັນກັບຝ່າຍຕ່າງໆ, ຖືການພົບປະຢູ່ນະຄອນເຊ້ຍເມີນເປັນໂອກາດ, ສະຫຼຸບບົດຮຽນດ້ານການຮ່ວມມືຮ່ວມກັນ, ວາງແຜນຜັງການພັດທະນາ, ເຮັດໃຫ້ການຮ່ວມມືລະຫວ່າງປະເທດບຣິກສກ້າວເຂົ້າສູ່ລະດັບທີ່ສູງກວ່າເກົ່າ.
